حضر زواج حبيبته وقال شعر في عرسها

[البحري.]

أبد .. ما جيت ابارك ولكن جيـت باوصّيـك
..............على اللي ناوي ٍ تدخل بهـا الليلـه .. مُعذّبْتـي
ترى لولا الظروف اللي عطتْك وحدّت محاكيك
..............قسم بالله ما تدخل عليهـا لـو علـى رْقبْتـي
ولكنّ النصيب اقوى ولا ادري ويش اسوّي فيك
..............نعم .. صارت معزّبتك .. ولا صارت معزّبْتي
كذا دارت بنا الأقدار تحرمني لجـل تعطيـك
..............كذا لازم عشان تفوز إنت .. أخسر بتجربْتـي
تراها غاليه جـداً .. وتكفـى .. والله يخليـك
..............تـدللها .. تدلعهـا .. تنسّيـهـا مصاحبْـتـي
أنا من كثر ما اغليها أحس اني بديـت اغليـك
..............ولا تسـأل بأيّـة حـق ولا ّ وش مناسبْـتـي
لإنك لو بتسألني بتسمع شـيء مـا يرضيـك
..............لذا ياخـوي لا تسـأل ولا تسمـع لأجوبْتـي
أبيك تحطها في داخل عيونـك وبيـن ايديـك
..............وهي دلوعه اعتـادت علـى كثـرة مداعبْتـي
فداعبها شوي شـوي حتـى تشتهـي طاريـك
..............وشاغبها إلين تقـول لـك: بطّـل مشاغبْتـي
واذا هي مالها خلقك..ولا تضحك ولا تسلّيـك
..............تحمّلها وإسألهـا: يـا عمـري ليـه عصّبْتـي
وبالك اسمع انّك يوم تضربها وهـي تشكيـك
..............ما يحتاج اورّي لك بفـن الضـرب موهبْتـي
صحيح انك بتملكها ومعـك الصـك بالتمليـك
..............وانا عارف حدود الله ومـن حقـك معاقبْتـي
ولكن قلّها المجنـون وصّانـي وهـو يعنيـك
..............يقول انّـه بينتظـرك ولـو شيّـب وشيّبْتـي
وانا مجنونها اللي ما نساها وانت مـا يمديـك
..............تغطّي ذكرياتي في هواها.. وربْـع تجربْتـي
أحس اني تماديت بكلامي.. والغضب حاديـك
..............ولو انّك في مكاني ما تفكّـر فـي محاسبْتـي
كفاك اني تركت الليله اشغالي عشـان اجيـك
..............القاعه برجلي ولا ادري ويش عاقبْتـي
وانا ما جيت اخرّب عرسك الليلـه ولا أذّيـك
..............أنا جيتك عشان اخاطبـك واسمـع مخاطبْتـي
توصّى..وانتبه..واحرص عليهـا والله يهنّيـك
..............ترى كل الكلام اللي طلَع من ضيقـيَ وكبْتـي
ولكن ما قدرت انّي أقوله وانـت مـا يخفيـك
..............أخاف انّـي إذا قلتـه تقـوم وتقطـع رْقبْتـي

[دكتور حب]

هذا خرب بيتها أخي البحري..
ولك يخرب بيتوه

[أبو سيف الراجحي]

شكل العريس طلقها مع آخر كلمة في الشعر.

تعبير عن حب كبير قل نظيره بينهما حتى وإن كان خيالي.

شكرا

[قلب الوفا]

يكسر الخاطر
لكن الشكوى لله

شكرا يابحري

[بن ثابت]

يمكنها خياليه ولكن فعلا محزنة جدا

هنا يقف المحب احتراما

ولكن قلّها المجنـون وصّانـي وهـو يعنيـك
..............يقول انّـه بينتظـرك ولـو شيّـب وشيّبْتـي


شهر رائع يا البحري

[:: ليالي جيزان ::]

ولكن قلّها المجنـون وصّانـي وهـو يعنيـك
..............يقول انّـه بينتظـرك ولـو شيّـب وشيّبْتـي





أبيك تحطها في داخل عيونـك وبيـن ايديـك
..............وهي دلوعه اعتـادت علـى كثـرة مداعبْتـي
فداعبها شوي شـوي حتـى تشتهـي طاريـك
..............وشاغبها إلين تقـول لـك: بطّـل مشاغبْتـي
واذا هي مالها خلقك..ولا تضحك ولا تسلّيـك
..............تحمّلها وإسألهـا: يـا عمـري ليـه عصّبْتـي
وبالك اسمع انّك يوم تضربها وهـي تشكيـك
..............ما يحتاج اورّي لك بفـن الضـرب موهبْتـي

فن التعامل مع الزوجه

[- مجُرد طيف !]

كلمات محزنة
ولكن اللجوء لله
سلمت