صيدلية المنتدى

[pharmacist.]

طيب مادام موجود

بدل الاوجمنتين .......... الكلافوكس او الجلوكلاف زيه بالظبطه

لو موجود يكون احسن بدل ما تشتريه

[pharmacist.]

بالنسبه للحوامل



ملخص سريع للأدويه الآمنه للحوامل


برد او زكام او ألم او صداع يبقى اي دوا فيه مادة باراسيتامول لحالها و ده موجود في panadol الابيض اللي اتمنع خلاص و fevadol العادي

طيب هو ليه مينفعش اكسترا !؟

سواء بنادول اكسترا او فيفادول اكسترا ف دول مينفعوش نهائي ف الحمل
هو في مصر بيتصرف عادي بس انا مش من هواة ده ل سبب بسيط
عملو دراسة و جدو ان الكافيين اللي هو الماده اللي موجوده في اي دوا فيه كلمة اكسترا
الماده دي بتزود احتمال الاجهاض و نزول الجنين
طيب هو موجود في البنادول اكسترا و الفيفادول اكسترا بنسبة مش قليله بس مش هيأثر اوي
الكارثه لو الام نفسها بتشرب قهوه او شاي او الحاجات دي فيها كافيين مع الاكسترا كمان تبقى مشكله كبيره


يبقى صداع او زكام فيفادول العادي اللي ب 4 ريال بسسسسسسسسسسسسسسسس
و ده جرعته حبتين مع بعض تلات مرات ف اليوم و الحامل ممكن نكتفي ب حبه واحده ثلاث مرات في اليوم


.. طيب اتفقنا لازم مضاد و الحامل مفيش غير مادة amoxicillin 500 و دي موجوده في حاجات كتير زي اموكسيل و هايموكس و روكسيل و جلفاموكس و التراموكس و ايموكس و جلوموكس
الجرعه حبه تلات مرات في اليوم بعد الاكل

و مفيش مضاد غيره ينفع لا اوجمنتين ولا سيبروسين ولا اي حاجه غير الاموكسيل او الهايموكس و اخواته اللي قولت عليهم


... الكحه

أكتر حاجه أمان هي خلاصة ورق اللبلاب و دي موجوده في ال بروسبان و اكسبان و جوسبان


... المغص
buscopan و اخواته زي هيوبان و دي حبه تلات مرات في اليوم


.. الاسهال
kapect

10 مل ثلاث مرات في اليوم


.. الطراش او الوحم بنستخدم navidoxine حبه واحده في الليل

...الحموضه
ماده ranitidine 150 mg و دي موجوده في الرنتاج و الزنتاك و النافيدين و غيرها

.. حساسيه

ماده cetrizine زي ارتيز و زيرتك


.. الانتفاخات و الامساك

lactulose syr و جرعته 20 مل قبل النوم


و اخيرا

كل الكريمات و المراهم و البخاخات
اي شئ خارجي يعني دهان آآآآآآآآآآآآآآآآآمن الا لو كان فيها كورتيزون يبقى منستخدمهاش

يعني بمعنى تاني بخاخ مخدر ممنوع
كريمات الحساسية معظمها كورتيزونات نبعد عنها



يا رب اكون قدرت اوصل ولو معلومه بسيطه بطريقتي دي

PHARMACIST.

الله يبارك فيك يا pharmacist
وربنا يجزيك خير ويرزقك من فضله الحلال

[عجاج الليل]

خطوة جميلة

ربنا يبارك لك

[pharmacist.]

الحليب ليه سعره غالي !؟

الصيدليه التانيه اقل ريالين !!؟

الحليب ده عندكو ارخص من بره !.؟



يا جماعه لازم تعرفو ان اسعار الحليب تقريبا واحده لأن الحليب و الحفايض في الصيدليه تقريبا مفيهاش ربح نهائي

لو لاحظت فرق اكبر من ريال بين مكان و التاني ف شوف تاريخ الانتهاء
لأن اوقات الحليب اللي بيقرب ينتهي لاما بيتعمل عليه عرض لاما سعره بينزل كتير علشان يتباع و الصيدليه تخلص منه

[pharmacist.]

سقوط الشعر و الصلع



hairgrow 5 % spray

بخاخ لفروة الرأس مرتين يوميا لمدة 4 شهور


hair dal tab
حبه يوميا بعد الكل


selsun blue shampoo
شامبو على الشعر المبلل و تترك الرغوه 5 دقائق ( القشرة احد اسباب سقوط الشعر

[pharmacist.]

قشرة الشعر


القشرة دي ليها اسباب كتير
زي مثلا الميه اللي مش كويسه
او زيوت الشعر نفسها !!!!!!!!

طيب ازاي

بيقولو ان زيوت الشعر دي فيها حاجه اسمها دهون غير مشبعه و دي بتتفاعل مع الفطريات و هتتحول لدهون مشبعه

و الدهون المشبعه دي اللي احنا بنقول عليها قشره

القشره بتظهر في الشتا اكتر
طيب ليه ؟

علشان الشمس بتحول الدهون المشبعه ( القشره) ل دهون فير مشبعه

طيب ازاي اعالجها !؟

بصو انا قولت ان الفطريات بتتفاعل مع الدهون غير المشبعه و بتحولها لقشره

يبقى نستخدم حاجه مضاده للفطريات اصلا

زي نيزورال شامبو او سلسن بلو شامبو

نغسل الرأس يوم بعد يوم لمدة اسبوعين ثم مرتين اسيوعيا ثم مره اسبوعيا


تحياتي

pharmacist,

[دلال]

يعطيك العافية دكتور


موضوع مميز بالفعل كل الشكر لجهودك واذا احتجت استشارة راح ارجع


^_^

[pharmacist.]

يعطيك العافية دكتور


موضوع مميز بالفعل كل الشكر لجهودك واذا احتجت استشارة راح ارجع


^_^

و في انتظار الاستشاره
ب فلوس الاستشارة بعد كده انا مش هقول حاجه ببلاش

[pharmacist.]

اممممممممممممممممم

كنت حابب اتكلم في حاجات كتير و مواضيع كتير

بس انا هتوقف فتره و اي استفسار عن اي حاجه هكون موجود ارد ان شاء الله

pharmacist,