كلمة ومعنى - من لهجتنا التراثية

[طلال مدخلي]

شاعر من الجنوب يفتخر بالسعودية ويؤكد جاهزية ابناء الجنوب...
يقول
سلم على الجيش السعودي وسلمان
قل له جنوب المملكه دون عاره
احسب عسير الهول لازلزل الشان
واحسب ذيابه يام وقت الشراره
واحسب على الموقع صناديد قحطان
واحسب رجال الحجر في كل غاره
واحسب مقاييس الخطر قوم شهران
واحسب مع بالحارث اعلى مناره
واحسب مع بالقرن في الموت شجعان
واحسب مع شمران اهل الجساره
واحسب رجال الموت غامد وزهران
واحسب قبايلنا مع اول اشاره
واحسب قبايل ماطرت لي بالالحان
من طول هامتها وقصر العباره
حنا جنوب المملكه شاننا شان
الموت يسكنا ونسكن دياره
والله لو يامر على الموت سلمان
نحرق له الحوثي وجيشه وداره
......
من الطائف جاوبة عبدالعزيز الربيعي...

من غرب موطنا صناديد عتبان
رجالهم ماينتظر للإشارة
برقا وروق الي لهم في الوطن شأن
متجهزين الكل غارة وغارة
وثقيف جمعا فعلهم طول الأزمان
تحمي منازلها بفن وشطارة
وفينا بني الحارث قيا وهل ميسان
الحرب لعبتهم ليا دق طارة
ونذكر لك السبعان والاسم سبعان
دون الوطن مايحسبون الخسارة
وفينا للبقوم الي فعايلهم ازمان
يشهد لها التاريخ وثبت قرارة
وسجل بني مالك موثقت الأركان
أصغر ولد فيهم يحرك وزارة. .
جنوبنا مع غربنا طول الازمان
ماقف رجل واحد وطنا شعارة
وجاء رد الشاعر جميل معوض المسعودي الهذلي
وحدود مكه دونها قوم شجعان
دون الوطن تاقف وتحمى شعاره
عزوة هذيل اللي حمت كل ميدان
يوم الفتيل يثور وتشب ناره
في صفحة التاريخ مكتوب عنوان
في عسكر البارود موجز عباره
الفضل لله قاضي الامر والشان
والبيت بامر الله حمينا جداره
وارض الوطن لو مابقي فيه سكان
يكفي هذيل العرب تحمى دياره
هذي فعايلنا على طول الازمان
هذا الوطن ماعندنا فيه باره
قلت الحقيقه كلبوها على شان
ماعاد تطمع فيه قوم المكاره
ياسيدي دام الوطن فيه هذلان
ارتاح واستامن على كل حاره
......
رد/ منصورحسن...راسي
من جيزان على العسيري:

مِنْ أرْض المَعرَكـَــه طَــاردِينْ الجَانْ
نِحمـِي حِـمَى حدُودنَا بِقُــوةْ مَـهَارهْ

طَرَّا العَسِيري جنُوبنَا هَمَّشْ تاَجَها جِيزَانْ
وَ لا نِنِتــظـــرْ تِـــثنـِي عَلـِـينَا بِعبَــارهْ

أسـْــأَل جِبَــالْ الـــدُّودْ عَنَّا وِدُخَّــانْ
وأسْــأَل عن اللِّي قَاتَل بوَســط دَارَهْ

وأَسْــأَل كَتايبْ سَـابِقه قـَادهَا سُلطَانْ
وأسْأَل عَن اللَّي تَارِيخهُم أَصبَحْ إثاَرهْ

فِيها بَنِي لحكَمْ ْ عَالِيين الشَّانْ
أهْــل الوغَاءْ والمَــجدْ أهْل الـنَّعَـــارَهْ

يِصْرَح بَنِي شبِيل جَم رِجاَلهَا فُرسَانْ
ويِسرِي بنِي مَـسْرُوح لَو تِـصلَاك نَارهْ

شَنـَّــةْ بَنِي حُــمَّد فِي سِــيفُهُمْ لَوبَانْ
وقَدحَــةْ بَنْـي مَروَان تُــوَارِي شَـــرَارَهْ

و قَــبَايِلْ الـحُرَّثْ وَقتُهُـم لَوْ حَانْ
يــشْردْ الـحُوثِي ولا تِــلحَقْ غبَارَهْ

واحْسُب قَبَايِل صَامْلَه مَـالَهْا أَلوَانْ
تِنتِظـرْ مِـنْ سَيدِي سَلْـــمَانْ شـَارَهْ

هٰذِي إفَادَه لِلِّــي قَصَّــر اﻷَلْـحَانْ
سِــربَنَا وَاحِدْ و لاَ نِـعرِْف خَسَارَهْ