ضروري

[دموع القمر]

السلام عليكم ورحمه الله وبركاته

انا عضوه جديده معاكم هنا ف المنتدي وأتمني اكون خفيفه ع قلوبكم ومش ازعجكم

بس كان ليا طلب او محتاجه مساعده منكم

انا مطلوب مني اكتب قصه بعنوان البطه الشجاعه وانا مش عارفه االفها ازاي ومش عارفه اكتبها وكنت محتاجه مساعده منكم

بس ضروري لاني محتجاها ضروري اووووي

مستقبلي بيضيع

[أعشق الليل]

قصة البطة الشجاعة والثعالب الاشرار


كان ياما كان
ولا يحلى الكلام الا بذكر النبى عليه الصلاة والسلام
كان فى بطة ذكية وشاطرة وشجاعة
ماشية بتلعب فى المزرعة
وفجأة 3 ثعالب أشرار خطفوها وحبسوها جوة القفص
بس عشان هما ثعالب أشرار مرضوش ياكلو مع بعض
وكل واحد كان عاوز يأكل البطة لوحده
وفضلو يتخانقوا
مين هياكل البطة فيهم؟؟؟؟؟
وبعدين اتفقوا مع بعض يعملو مسابقة
واللى يفوز هو اللى يأكل البطة
أول مرة قالو هنعمل مسابقة جرى
وقفوا كلهم على الخط وبدأت الصفارة
وجرى الثعالب الثلاثة
لكن الثعلب الأول عشان غشاش استخبى ورا شجرة واستناهم يجرو وبعدين عمل نفسه وصل قبلهم وهو اللى فاز
اكتشف التعلبين التانيين الخدعة وأصرو يلغو المسابقة ويعيدو من الأول
المرة دى عملو مسابقة نفخ البلالين
فضل الأول ينفخ ينفخ التانى ينفخ ينفخ والتالث ينفخ ينفخ
وكان التانى اشطر واحد فيهم فى النفخ بقت بلونته كبيييييييييرة وكان خلاص هيفوز بس عشان طماع فضل ينفخ اكتر واكتر واكتر وانفجرت بلونته وخسر المسابقة
واتخانقو تانى ولغو المسابقة
وقالو خلاص هنعمل اااااااااااخر مسابقة
اللى يفوز فيها بقى هو الكسبان اللى هياكل البطة لوحده
واتفقو كل واحد فيهم يملى الدلو بتاعه مية من البيرررررررر واللى يملى اكبر كمية مية ياكل البطة
نزل الثعلب الاول الدلو بتاعه جوة البير وفضل يشششششد ومعرفش يملى حاجة وجى الدور على الثعلب الثانى ونزل الدلو بتاعه وفضل يشد برضه معرفش والثعلب الثالث كان معاه مية جاهزة و نزل الدلو بتاعه جاهز بالمية ووقع الدلو بالحبل واكتشف اصحابه انه تعلب كذاااااااااب وخسرو كلهم المسابقة
وفى نفس الوقت ده كله كانت البطة الذكية الشجاعه القوية بتحفر الارض بمنقارها لحد ما عملت حفرة كبيييييييييرة تحت القفص وخرجت تجرى وقبل ما تجرى بصت للتعالب التلاته وقالت لهم انا اللى فزت انا اللى كسبت المسابقة
وفضلت تجرى لحد ما وصلت بيتها فى المزرعه وقعدت تحكى لاصحابها ازاى غلبت بذكائها وشجاعتها الثعالب الثلاثة اللى خسرو بسبب طمعهم وغشهم وكدبهم

[أعشق الليل]

شجاعة بطة



قوبل طائر نورس بمقاومة شرسة ورادعة، وذلك عندما حاول اختطاف بطة صغيرة فهاجمته أمها وأرغمته على تركها قبل أن يلوذ بالفرار.
المواجهة المثيرة حصلت في متنزه هيربرت بالعاصمة الايرلندية دبلن، حيث كان المصور المحترف بول هيوز بالمرصاد عندما راح طائر نورس يحوم فوق البطة الأم وصغارها بينما كانت تسبح وصغارها في بحيرة صغيرة ثم شن غارة مفاجئة والتقط أحد الصغار بمنقاره وحاول الفرار به.
وقال هيوز إنه حرص على التقاط صور لذلك المشهد منذ بداياته، مشيراً إلى أن البطة الأم شنت هجوماً مضاداً أظهرت فيه شجاعة كبيرة وأرغمت النورس المعتدي على التخلي عن البطة الصغيرة التي كادت أن تتحول إلى طعام له ولصغاره.


ثم هجم النورس واختطفت احد الصغار


فانبرت البطة الام لانقاذ صغيرها من بين فكيه


... وبدا النورس مذعوراً


... ثم لاذ بالفرار تاركاً فريسته

[دموع القمر]

متشكره اووووي لحضرتك لاهتمامك

بس اانا جبت القصتين دول من ع النت وناس كتبوهم انا عاوزه حد بيعرف يالف قصص يالف لي واحده

حد هيقدر يساعدني؟؟

ومتشكره اوووي لتاني مره لحضرتك

[أعشق الليل]

الله يسلمك اختي
انتظري ممكن أحد يألف لك قصة حلوة وتناسبك
مرحبا بك بمنتدانا نورتينا

[دموع القمر]

شكراااا كتير لحضرتك

ياااارب بجد الاقي حد يالف لي قصه او يجبلي اي قصه بس مش تكون من ع النت

["فلة"]

شكراااا كتير لحضرتك

ياااارب بجد الاقي حد يالف لي قصه او يجبلي اي قصه بس مش تكون من ع النت

مرحباً أحتي دموع القمر

حاولي انتي تعبري بنفسك وباسلوبك افضل

موفقه يارب

[أبو زهير]

السلام عليكم ورحمه الله وبركاته

انا عضوه جديده معاكم هنا ف المنتدي وأتمني اكون خفيفه ع قلوبكم ومش ازعجكم

بس كان ليا طلب او محتاجه مساعده منكم

انا مطلوب مني اكتب قصه بعنوان البطه الشجاعه وانا مش عارفه االفها ازاي ومش عارفه اكتبها وكنت محتاجه مساعده منكم

بس ضروري لاني محتجاها ضروري اووووي

مستقبلي بيضيع

وعليك السلام ورحمة الله وبركاته

حياك الله دموع القمر في منتيات صامطة الثقافية

ولايهمك يادموع مادام مستقبلك بيضيع على شان قصة بعنوان البطة الشجاعة الليلة أتصل على واحد صاحبي عنده معرفة في كتابة القصص إن شاء الله بس ألقاه

[دموع القمر]

مرحباً أحتي دموع القمر

حاولي انتي تعبري بنفسك وباسلوبك افضل

موفقه يارب

ما انا مش عارفه والله اعبر

ياريت اعرف كنت عملتها انا بس مش عارفه

تسلمي

[دموع القمر]

وعليك السلام ورحمة الله وبركاته

حياك الله دموع القمر في منتيات صامطة الثقافية

ولايهمك يادموع مادام مستقبلك بيضيع على شان قصة بعنوان البطة الشجاعة الليلة أتصل على واحد صاحبي عنده معرفة في كتابة القصص إن شاء الله بس ألقاه

ربنا يكرمك ابو زهير

متشكره اوووي لاهتمام حضرتك

وسوري هتعب حضرتك معايا بس بجد والله محتجاها ضروري جدا

يااارب تلقاه ويقدر يساعدني

جزاكم الله كل الخير