تناهيد الحالمة

[الحالمة]

السلام عليكم ورحمة الله وبركاته

تحية طيبة وبعد

اخوتي الكرام رواد منتدى صامطة

وحشتووووووووووووووووووووووووووووووووني


جيت بكل ما عندي


قصيد وود


فكرتي اسجل قصيد من قصيدي واتمنى يثبت ويشرفني مروركم وردودكم وشكرا

[الحالمة]

ياصغير لاتفلسف منت قد الارتجال
لو وصلت لبرج بابل في ديار الرافدين
تبقي في نظرة عيوني بين حبات الرمال
يعني الله لايهينك شف انا وشف انت وين
قم ولاءا للمعلم يعني توقف باعتدال
والا بصح العباره منت قد معلمين
التمدد والتقلص من علوم الاختزال
والكثافه نسبة الما تحت ضغط الاوكسجين
وانصهار الثلج يعني ذاب يابنت الحلال
تدري ان الما اساسه اكسجين وهيدروجين
الذي ممنوع صرفه في النحو سموه حال
اسم ان او لان زي كيف او لاين
انقسام اية خليه من خليه انفصال
زي دولي شف كيف استنسخوها مرتين
انعدام الجاذبية يعني قطع الاتصال
التسامي علم سامي بعده حرف ميم يعني
يعني لو قمت اتفلسف منت قدي في الهبال
فلسفة شاعر ولكن فلسفة شاعر ذهين
كان ودك تفهم فلسفة شعري تعال
وش يسمون انحراف المركبه ذات اليمين
قال مالت قلت مالت عليك من الخبال
مافهمت اللي نويته يعني منتب فطين
اضغط انتر في جهازك واضغط حرف دال
حط لام وحط خاء واضغط انتر مرتين
يطلع اسمك الكتروني دلخ اقرب احتمال
كان تسمع بالذهانه ياغبي طحت بكمين
كل هذا وماهجيتك وهو مجرد ارتجال
وكان دوخك ارتجالي يمدحون الاسبرين
لو جمعت جيوش شعري كان سويت احتلال
بس ماودي اغامر حشمة للمتواجدين
بس ياويلك لو اني واصل للانفعال
كان هالصدر الجنوبي ذاب بالمتواجدين
تدري ان اكبر حماقه لاتوهمت بخيال
زي من يزرع بطاطا في ورود الياسمين
الرجوله ياصغير رمزها لبس العقال
والكبير اللي في هلها زاد فتل الشاربين
الرجل يلبس قلاده والتغنج انحلال
وقصة البنت لشعرها من عادة المستخوجين
وسلامتك اتحداك تردين



وهذا هو ردي000


سبني جاهل وأنا ما همني لعب الجهال
خلني أتجاوز دقيقة..لأجل فهم الفاهمين
السفيه الغر يخطي وان تمادى بالمقال
اسفهه عز وتحمد ربك وربك يعين
العقل نعمه ولكن لا بلاك الله بحال
استتر ولا انتحر لا تخلي مشكلتك تبين
غاضني شطر" هداني اياه واحد م العيال
قال يا بنت اكتبي له رد كانك تقدرين
قلت أنا ابشر ما طلبت إلا واجب" يابن الحلال
قلت لك أول وكنك ناسي اللي قبل حين
قال"قم حق المعلم يعني توقف باعتدال
والا بصح العباره منت قد معلمين"
قمت أطالع له وأناظر شكل ذا صابه هبال
قلت وش علم؟ أنا خبري به شيخ ممرضين
مو ممرض يعني سستر.. تشتغل في هوسبتال
لا.. ممرض أقصد إنه يمرضك زن وطنين
قام يتمدد وقلص قامته خزي" وقال
وشهو وش قلتي لي انتي مدري وشهو تقصدين
قلت مدري انته ابخص في علوم الاختزال
وأنا أبخص فيك لكن خل مستورك يبين
انت تقول إن الكثافة ضغط وأوكسيد وزلال
وأنا أقول ان الكثافة ثقل دم وثقل طين
قال تدري ان انصهار الثلج يابنت الحلال
يعني ذاب..وخاطري أضحك على هالكلمتين
قال كنه مكتشف متبحر" في ذا المجال
تدري ان الما اساسه اكسجين وهيدروجين؟
والذي ممنوع صرفه..في النحو سموه حال
قلت والله قال والله قلت يا حليله فطين
قلت أنا الممنوع صرفه شي في الجيب الشمال
قال جيبي قلت جيبك قال انتي تلمحين
قلت غرد في النحو والصرف يا مال الخبال
قال اسم إن و لأن زي كيف ..أو لأين
قلت غيره..قال في الأحياء انقسام وانفصال
زي دولي شفت كيف استنسخوها مرتين
قلت أنا اشوى دولي نعجة بس أنا بسأل سؤال
انت لو يستنسخونك ظنك الدنيا تزين؟
انعدام الجاذبية فيك أعجوبه وخيال
قل وزن وقل عقل وقل ذوق وقول شين
لا انصهار ولا خلايا ولا نحو ولا اتصال
والتسامي لو تصون النفس وتعز الجبين
التفلسف علم غامض والشعر ماهو ارتجال
الشعر فكر وفراسة شاعر" فذ ورزين
الشعر متعة عقول الطيب وأفعال الرجال
ماهو باللي جعجعة طاحونه ما فيها طحين
جعجعة يعني قلق وازعاج مابه راس مال
خل عنك الدجة وفكر عدل لا تستهين



وسلامتكم

[خيرات الأمير]

بصراحه والله روووووووووووعه وفقك الله .

تحياتي لمثلك .