سلسلة رفقاً بالقوارير , .. , دعوة للإفصاح ..

[حـــذيفــة]

ملاحضة / أنا أتكلم للعموم .. والعموم يحتويني أيضاً .


بسم الله /

ياحـذيفـه / وش فيك متضايق والأخلاق زاقه

... والله ياعزيزي اليوم دخلت واحد من الأقسام في المنتدى وشفت تريقه على البنات وشغل الواحد يستحي منه , لو يجينا ضيف والا ضيفه للمنتدى وطبعاً بعضهم يتصفح ليرى المنتدى قبل التسجيل ,
ويتأكد من ثقافة أعضائه , واحترامهم للطرف الأخر , وهل هو بيت يسكن ليرتاح الشخص فيه , أم أنه مقبرة تماماً كماهو معتقل أبو غريب .

أبو غريب ؟؟

إيوة ياعزيزي معتقل أبو غريب اللي في العراق ماسمعت عنه ؟؟ اللي يمارس فيه الأمريكان , كل أنواع الإحترام فيه مع العراقين .

ياحــذيفـه / تراك تقول كلام مدري من وين تجيبه , كيف إحترام في سجن أبو غريب ؟

ياخي طيب إفهم واطلع من راسي .

يا حذيفــه / بس منتداكم ماشاء الله يقولون اللي يدخله يدمن عليه , وماعاد يطلع منه .

والله ياسيدي : منتدانا كفاية الأخوة اللي نشوفها فيه , لكن طلعوا لنا مجموعة , مؤخراً لا أعرف مبتغياتهم .

يعني كيف ياحـذيفـه .؟؟

والله الناس تتطور على الأقل في الإحترام .. واحنا في تدهور .

إيش تقصد ؟؟

الأخلاق يامصلوح الأخلاق .

الأخلاق يامصلوح أنه تحترم كل من في المكان .

هل من الأخلاق أن يأتيك عضو يحاول يـسحب في البنات ويتقرب منهم .

هذا يدل على إنه يحتقر هذه المرأة ويبغى يلعب فيها ويرميها .

طيب كيف ياحذيفه هذي في كل المنتديات .

يامصلوح / المنتدى صار فيه أكبر من كذا .. كأن يأتيك ناس ويتهجمون على زميله , ويتعاونون عليها وتجريح وعدوانيه حتى في الغابات غير موجودة ,
ويطبقون المثل اللي يقول / أنا وأخوية على ابن عمي , طيب مو إحنا كلنا إخوان في الله والمنتدى يجمعنا كبيت واحد

- إلا صح - بس خلاص هدّي مايحتاج الموضوع إنك تتضايق .


يتبع بالأسفل /

[حـــذيفــة]

لا متضايق لشيء أكبر .. يعني أنا أموت وأنقهر لمن يأتيني سؤال من أحد زملائي أو زميلاتي : كيف تعاملون المرأة ؟؟

أسكت قليل عشان أركب كلام لأن السؤال مفاجئ .
وأبدأ الآن بالكذب : إحنا نعامل الحريم أفضل من المعاملة التي يعاملك فيها أبوك وأخوك .
البنت عندنا تعيش مثل الملكة .

ترد عليه / بس أنا أسمع غير كذا .

طيب إيش أسوي لك إنتي تسمعي كلام من ناس يكرهوا السعوديين والعرب بوجه عام..وموضوع الحجاب هذا موضوع ديني نحن نؤمن به ونحترمه ومالك أي دخل فيه .

إنتي عليك بالتعامل / البنت عندنا لها أفضليه على الرجل في كل شيء ..

- وأبدأ أتذكر مايحصل في الأسواق , والترقيم والمغازلات والفضائح والإستعباد والضرب و و و و
وهذي كلها فيها عدم احترام للمرأة كونها شخص له الحق في التمتع بالحياة خصوصاً إن بعض الحريم مضطرين يخرجون بدون محارم كون المحرم هذا محرومين منه أو إنه هو أصلاً عار عليها تطلع به معاها .. فالأفضل إنها تخرج لوحدها - وأغير هذه الصورة تماماً , أقول لها الحريم عندنا يعيشون كما الملكات تطلع الوحدة تتسوق وتتمشى وتسوي اللي تحب لكن في حدود الأخلاق والتقاليد .

يعني البنت ياهوديفه تقدر تطلع برى وتسوي اللي تبغى ..

إيوة إيوة لكن لازم تعملي حسابك إذا تحبي تجين السعودية , مافي عندنا الكحول لا الحريم ولا الرجال يشربون .

وبعدين ترى إحنا مش مجرمين ولا إرهابيين , وانتم تشوفون المسلمين إرهابين لأنكم تحبون تشوفونهم بالصورة هذي , وترى أيضاً حماس مش إرهابيين , ولا حزب الله , لا لا الإرهابيين إسرائيل , هذولي المسلميين يريدون فقط الدفاع عن أنفسهم وأوطانهم .. وإذا تحبي تشوفي إسرائيل وتشوفي اللي يسوونه في المسلمين والفلسطينين .. أنا مستعد الليلة أرسلها لكم عل إيميلاتكم .. عشان تشوفوا إسرائيل وش يـسوون في فلسطين .. الشيء الذي لا ترونه لأنكم تحبون إسرائيل كثير , إنسوا السياسة وخليني أقولك أكثر عن تعاملنا مع الحريم .

الحريم عندنا الوحدة ماتحبل قبل الزواج , وهذا أفضل من عيشتكم اللي بعض حريمكم عندها 4 أولاد كل ولد من أب لحاله , واحنا حريمنا , مانلعب بهم مثل الكورة كل دقيقة تحت رجل واحد مثل ماتفعولون إنتم , مثلاً إنتي في سويسرا عندك حبيب وانتي هنا تخدعيه وتطلعي مع غيره ,

بس هذه شؤون خاصة وأنا محتاجة لرجل يكون جنبي يحبني ويحميني ومالك شغل فيني .

لا بس إنتي اللي فتحتي الموضوع , ولا زم أجيب لك أمثلة عشان تفهمي , زين إن الحريم المسلمين العرب , ماعندهم مذهب الخيانة .

يتبع بالأسفل /

[حـــذيفــة]

طيب القصص اللي نسمعها ؟؟
ترى القصص اللي تسمعونها كلها كذب وانتم عندكم أكثر من كذا .. لكن ماتظهر لأن الصحفيين حقكم يبحثون عن أخبار المسلمين ويزيدون عليها كلام كذب لأنها وجبات دسمة , وبالنسبة لقضايا التحرش وضرب المرأة , هذه كلها كذب في كذب , وهي أصلاً عندكم .. فمثلاً يعني الحرمة عندنا تمشي في الشارع ماحد يتعرض لها ولا أحد يؤذيها .. لكن شفتي أمس ( أوسترياس ) وش سوى مع البنات اللي في الشارع واحنا راجعين من اختبار الآيلس .. ضحّك عليهم كل اللي في الشارع .

جماعة أنا لازم أروح - ياهوديفه ياهوديفه - معليش أنا مشغول أشوفكم بكرة ولا تصدقون أي كلام تسمعونه عن السعودية والمسلمين والعرب باااي .

وطلعت يامصلوح وأنا متضايق من أسئلتهم ومن كذبي عليهم ..
لكن خليها على الله ..

يامصلوح المنتدى هذا بيتي الوحيد اللي أقضي فيه وقتي .. ولازم أطرح عليهم القضيه
يمكن الجماعة اللي مايحترمون المرأة ولا يقدرونها .. وحتى يضربونها ,
ويزوجونها بالغصب على واحد ماتبغاه يقرؤون موضوعي ورؤوسهم تلين قليل , وأيضاً أنا متعمد لبعض الحركات المشينه اللي تحصل أحياناً في المنتدى من استهتار بالحريم وتقليل من قدرهن ,
وأيضاً ممكن ينقلون الموضوع لمنتديات أخرى وأصير مشهور ,

يامصلوح بالله ممكن سؤال / يعني إنت الآن تحب بنت , ماتبغاها تحبك ؟
إلا والله ياحذيفه إذا ماحبتني ماني متعب نفسي عشانها .

طيب يامصلوح / ليش عندنا الناس الواحد يحب وحدة ويبغاها تحبه .. وإذا عرف إن أخته وبن عمه بينهم مشاعر , يقتلها ضرب ؟ هل هذا عدل يامصلوح .

يعني لو حبت إبن عمها والا ابن خالها , والا حتى أي جني , حرام ؟ أليس لها قلب , والكل يعرف أن المرأة قلبها ضعيف وأي رجل ممكن يخترقه بمجرد كلمه حلوة ,

يامصلوح عندنا الحرمة الواحد يقولّها أحبك وأموت فيك , ويفرغ عاطفته فيها , وبعد مايجي وتقول مو إنته وعدتني نتزوج , يقوم يقولها : اللي تكلمني راح تكلّم غيري .ويسحب عليها ويتركها .

تصدق يامصلوح إن الظلم مايرضاه الله على عباده وهو خالقهم , فهل يرضى الله ظلم الرجال للحريم .

يامصلوح أنا راح أسوي ( إعتمد الموضوع الجديد ) وأخلي الإخوان يقولون آرائهم ويناقشون الموضوع لأني لو تكلّمت حتى بكره ماراح أنتهي أبداً .

بس يامصلوح آخر شيء ماسمعت الحديث النبوي الشريف اللي يقول :/

قال صلى الله عليه وسلم لخادم له / يا أنجشه رفقا بالقوارير . الحديث .

[الملاك الحارس]

رائع ما كتبت أخي حذيفة ولكن لي رأي
فأنا أمرأة وأعيش في هذا البلد
رأيت ما تتحدث عنه أو سمعت عن أكثرة
لكن في رأيي تظل المرأة هي الممسكة بزمام هذه الأمور
فهي إن تم ترقيمها في أحد الأسواق فهي من تزينت لدرجة لفتت بها أنظار المارة
وإن تحرش بها أحد فهي من مشت في ممرات مشبوهه وتعطرت وخرجت بلا محرم وفي وقت متأخر
وإن قال لها أحد اللاهثين وراء شهواتهم (من تكلمني تكلم غيري ) هي من بداء بالكلام معه
وتستحق هذا القول لأنها هي من نزلت بنفسها في الوحل ..!!
وفتحت له الطريق لأشياء ما كان لها أن تسمح بها له ولا لغيره ..
أخي حذيفة .. نحن في بلد بها وفي أهلها من الخير الكثير ..
أتعجب مما تتناقله وسائل الإعلام بكثرة عن قضية تحرير المرأة
عجباً وكأن المرأة وخاصة في مجتمعنا إشتكت لهم ؟؟
أو دعوى مايسمونه المساواة ..
أنا دائماً أقول أنا لا أريد أن أساوى بالرجل .. أنا أنثى ولي هويتي وشخصيتي وطبيعتي
مساواتي بالرجل ستفقدني الكثير منها
أشكرك على هذا الطرح وأعدك بأن أكون متابعة لما تكتب إن شاء الله