للقراءة فقط .. دون الردود ((خيمتي الشعبيه))

[::خضار وملح::]

اشوف ناس عندها الحقد ماجود
ونفوسهم عن كل عليا تردت

العدل في ساحاتهم صار مفقود
وعن الفضيله جنبتو استردت

محمد السديري ..

[::خضار وملح::]

البعد سم البشر ماني بمبتكره
عزي لمن جرب الفرقا وعزالي

هذا الجفا موت ومثل الموت له سكره
يالله لاتقطع الغالي من الغالي


حمد السعيد..

[::خضار وملح::]

لولا الخطـاء ما احد(ن) عــرف واجـب الصـح

ولولا الجهـل ماصــار للعقـل مفعـول

.........................ونطق اللســان لجوهـر القلب يشــرح

.........................والصمت به حكمــة وراعيــه مجهــول

وكـم صـاحب وقت الرخـاء بك تربـح

وعنـد الشــدايد عنك ماهو بمســؤول

.......................قلته وانا لي نفس تغضــب وتســمح

.............................مثل العـرب ماني عن الناس معـزول

واليا حصــل عـز لـه النفـس تطمـح

العبـد رزقــه عنـد مـولاه مكفــول

[::خضار وملح::]

يقول القحطاني هيضه صوت جاره .....هيض على العين المشقاة جارهـا
الجـار يـوصـي بــه حـقـوق لــواز.........ملـو هـم خـبـاث مــا يـنـزل وقـارهـا
الجار والضيفان فرض على الفتـى ........لا بـــد مـــن إبــــدال دار بــدارهــا
لا صرت معسور مـن المـال معـدم .......فالنفـس خففـهـا بـزيـن اعتـذارهـا
والعذر يقنـع بـه مـن النـاس عاقـل .......يكـون نفسـه مـا يــرى مقتـدارهـا
وطمـن عيونـك لا تباهـي بشوفهـا ........ترميـك فـي نــار تقـطـع شـرارهـا
والرجل لا تمهي لها فـي مسيرهـا ......تخطـر علـى روس الحيايـا بغـارهـا
فـإلــى نـويــت بـديــرة تيـتـزورهـا .........جنـب رقـاق القـاع واتـبـع غـزارهـا
وانشـد عــن الــي بيـنـات فعايـلـه ........تــرك رذال الـقـوم واتـبـع خـيـارهـا
ولا تصاحب إلا كود من ينطح العـدا ......إن طـار مـن تحـت السبايـا غبارهـا
واقنص بفرخ الحر لا صـرت قانـص ..........حـتـى تـعـود حـايـز مــن حـبـارهـا
فلا شفت من دونك إثنين تشـاوروا .......إذنـيــك علـمـهـا بـكـتـم أخـبـارهــا
واحـذر لسانـك مـن جـواب يعيـبـك .......والعين سبـر القلـب والقلـب دارهـا
لا بد مـن هـرج طويـل علـى القفـا ........وقول على اليمنى وقـول يسارهـا
لا بـد مـن قـول علـى غيـر صايـب ............هــرجــة ردي مـايـمـيـز قــرارهــا
ندري من الزلـة ونخشـا ونختشـي ........أيضـا ولا انظـر جـادل فـي خدارهـا
الأعمـال بالنيـات وللعبـد مــا نــوى ........ولا كل من ينوي على الحج زارهـا
هــــذا كــــلام للمـلـبـيـن فــايــدة .........يفـهـم معانيـهـا ويبـنـي حـضـارهـا
ختمان قولي بالصلاة علـى النبـي ........عــداد مــا ينـبـت وتـزهـر ثـمـارهـا


سالم العبيدي

[::خضار وملح::]

عزيل من رافق مقاريد ورخوم
سود القلوب اللي من الحقد مليا
اللي سوالفهم كما ريحة الثوم
يغلون من طيب الأجاويد غليا
من بينهم كني غريب من القوم
وهذي سوات اللي نواياه عليا


وين الرجال اللي مشاكيل وقروم
مثل الحرار اللي براس الجبليا
شقر الحرار ولا يقرب لها البوم
ولاهيب تنزل فوق حدب السهليا
مثل الذي جنسه مع الناس معدوم
صادق ولامن قال هرجه فعليا


أبو محمد طيب الراس شغموم
وافي ولامن غبت عنه أتصليا
يا خوك عيني حاربت لذة النوم
وعلي السهر يا خوك صعب أحتمليا
لا يا فهد قلبي له أيام مهموم
وأنا علي الله ثم عليك أتكليا


أشكي وكني ساري الليل منجوم
ولا يشيل الحمل كود الجمليا
أمن الكسل كني لي أيام محموم
لكن لا شفتك يروح الكسليا
يا شيخ ويش الراي في جيلنا اليوم
ويش الحلول الصايبه والعمليا


الحر هذا الوقت ما يدرج الحوم
والبوم في قمة جبلها نزليا
والسيف من جور الزمن صابه أثلوم
حتي الكديش اليوم شاش وصهليا
ولانيب من رفقة هل الطيب محروم
مثلك يكفي لو ضربت المثليا


وأدري بصدقان الرخي فالرخي كوم
ويا قلهم يا شيخ وقت الصمليا
أن جاء نهار(ن)فيه همات وعزوم
فيهم على ما قيل خاب الأمليا
صحيح للعالم تقاليد وسلوم
غير الحثاله من صحبها حثليا


والناس تكره من به الكبر والزوم
مهذار وجهه ما يعرف الخجليا
وليا دعيته يقعد شوي ويقوم
وأن سمع له هرجه لغيرك نقليا
قلته وأنا ماني علي اللاش ملزوم
الأرض للطيب وسيعه وخليا


لا صرت لا ظالم ولا نيب مظلوم
وما همني هرجة عذول(ن)عذليا
وشرواك من روس القبايل معي دوم
كم واحد(ن)لا غبت عني سأليا
وألا الردي من رافقه يلحقه لوم
أدنات كلمه منك صد وزعليا


لو كان يملك مال كامل وجمجوم
فرقاه فوق الكبد مثل العسليا
ولا خير في رجل(ن)بغيض(ن) ومذموم
اللي ليا جوه الطراقي بخليا
أمن البخل وده تروح السنه صوم
همه علي الدنيا يصر الهلليا


جتك القوافي كنها بارق أغيوم
وألا كما مخزون بيت النحليا
فيها من الحاضر سواليف وعلوم
عن ما جري يا شيخ واللي حصليا
والختم صلي الله علي خير معصوم
كسر صنم مكه وأزال الجهلي

[:: ليالي جيزان ::]

دخلت في قلبي على كيف كيفك
حكمتني به يوم وسطه توطنت

لقيت به من قاسي الوقت ريفك
وعلى البنات بفرق زينك تسلطنت

وخليتني في مجلس الحب ضيفك
كنك على ملكك بقلبي تطمنت

موسم ربيعك ما يجي مثل صيفك
احسب حساب الوقت والعمر لا هنت

أول يسليني عن الشوف طيفك
واصبحت اشوفك كنك اليوم ما كنت

علم عيونك لاتعلّم بحيفك
حتى ولو انك بروحي تمكنت

لا يسبق ايام المحبه خريفك
وترجع تقول لزاهر الغصن وين انت

كثر العتب يزعج مسامع وليفك
أيقنت وإلا قبل مانساك ما ايقنت

[:: ليالي جيزان ::]

كلٍ يقول الزين كله بخلي
أكيد ما شافوا من الزين حاجه


ما شافوا اللي رمش عينه مظلي
قلبي تكسر منه كسر الزجاجه


خلٍ ذبحني بالغلا والتغلي
ربيع قلبي شوفته وابتهاجه


هو روح روحي هو بعد كل من لي
لا شافني زعلان يضحك حجاجه


ويفز لي فزة محبٍ يهلي
هو طب جرحٍ ما عرفتوا علاجه


وليشاف غيري صد كله رضاً لي
حتى نظر عينه عن الناس عاجه


ما غير أناظر بالخلايق تسلي
والله علم عن خافقي وش مزاجه


أوادعه ودموع عينه تهلي
ما باعني قلبه بموسم خراجه

[:: ليالي جيزان ::]

سريت ليل الهوى لين انبلج نوره
امشي على الجدي وتسامرني القمرا


طعس وغدير وقمر ونجوم منثوره
انفاس نجد بها جرح الدهر يبرا


يا نجد الاحباب لك حدر القمر صوره
طفلة هلال وبنت اربع عشر بدرا


حبيبتي نجد عيني فيك معذوره
معشوقة القلب فيها للنظر سحرا


فضة شعاع القمر في نجد مسحوره
من شاف لمع قمر في خدة سمرا

[:: ليالي جيزان ::]

واطيري اللي زودوا فيه الأثمان
اشعل ظهر والصدر يجهر شعاعه
لو له شبيه في الملى هو غزالان
راجي على زينه يزود بشـجاعــه
خذته ولاني يا هل الطير ندمان
من عادتي ما نيب اسوم البضاعه
الى ركز في مجلسي طير حوران
وتجمعوا عندي كثير الجماعه
وشلته على كفي كثير الغثا هان
عندي غدى للهم مثل المناعه
لا صرت فيما تطلب النفس بلشان
اترك طمان القاع وارقا برفاعه
وباكر تصاريفه على عالي الشان
من يضمن الدنيا ولو ربع ساعه

[مجدي خواجي]

موضوع متميز