طريق الدمام حفر الباطن لسببين
بغى يصير علي حادث عليه وعمري 21 سنة
وربي سلم
ووفاة الوالدة بسبب حادث على طريق الحفر قبل 8 سنوات
والاعمار بيد الله عز وجل فاذا حل القضاء فلا راد له
ومن المقدور لا ينجو الحذر
.......................
حقيقة لا أذكر مواقف معينة عن التلبيقات أو غيرها ممكن لتقادم العهد لكن لي ابن عم
كثير الهياط ودايم تحدي معاه اما المنحنيات فطريق العقبة الله يستر علينا منها
......................
أول سفرية أسوق فيها مع ولد خالي من الافلاج إلى خميس مشيط وانا عمري 18
عندي سيارتين وحدة لي لحالي كابريس وللعائلة يوكون 2007 XL SLT
...................
موقفين لا أنساها الاول وانا على طريق العزيزية نبغى شاطئ نصق القمر
كنت في الثانوي رايحين شباب على سيارتين نبغى نخيم الخميس والجمعة
والشباب يتمايلون في السيارة وكنت انا السائق والسيارة كانت 240 نيسان
والله ما ادري وش صار دخلنا في الجزيرة بين الشارعين مقابل قصر الامير سلطان-رحمه الله- اللي في العزيزية
والسيارة تبغى تضرب في عمود الكهرباء والف يمين وبغت تنقلب والله شفت التراب بعيني من النافذة
وشفت معاها الموت واالله والحمد لله اللي سلم كادت تكون خاتمة سيئة
الموقف الثاني على طريق حفر الباطن كنت الاحق ولد عمي وطلعت وراه وكانت طلعة عالية قبلي ثلاث
شاحنات على يميني في النص واجهتني شاحنة جاية من الدمام كل الخيارات كانت قاتلة
الشاحنات علي يميني وشاحنة امامي رايح تطحني طحن ورايح تخليني (تونة ابو مدخنة)
ما كان قدامي الا اسحب الجلنط والف يسار على التراب والحمدلله سلم