وين انت تكفا ياهوا البال وين انت
طالت سنين البعد بينك وبيني
ادمنتني فرقا وانا ذكرك ادمنت
حتى ارتسم زولك وشوفك بعيني
يامن على كل الأحاسيس هيمنت
صدك نحر صبري وبيح كنيني
بالحب وعلوم المحيبن امنت
لاشك تكفا حلها ياضنيني
لاهون تكفا وانت والله ماهنت
يامن سكن نور الجوارح وفيني
فيني من الاشواق والحب ياانت
مايفرضك غصبا بسهوي تجيني
لحظة شرود وكل مازنتها لنت
ولانت جميع اعضاء قلب الحنيني
في موقع مريت اوحت قد كنت
تشرح تفاصيله يسار ويميني
ياسالفة مسجون عشاق وسجنت
في كل لحظه لعالمك تاخذيني
حتى بأسمك صادق العشق لحنت
وكنك غديتي فكرتن تكتبيني
اعلنت لي حبك وانا حبي اعلنت
وصرتي ملاذي من زرايا سنيني
في ضحكتك صلف المقادير هونت
وانتي تقولي اضحك وربك يعيني
وإلا انا وإن شان حظك فلا شنت
والله ولا علمن بحبك مشيني
واليوم وينك كل ماصحت يابنت
قمتي رغم كل الغلا تجرحيني
إن قلت احبك ما ابي كات اوكنت
ابيك مثل اول تحسين فيني
النواوي ..........ابوشذا