^^ الله خـــلق لي نفس تســمو عن البوح ^^
الله خلق لي نفس تسمو على البـوح
ما هي بلا ضاقت من الهـم باحـت
على كثر ما شفت ضيقات وجـروح
لا الوجه متغير ولا العيـن صاحـت
أبشـرك بشـارة الـروح للـروح
تبغـي تطيحنـي الليالـي وطاحـت
هذا أنا والوجـه باسـم ومشـروح
وجها ً بروقه لمعظم النـاس لاحـت
كم محزنٍ بنى على شوفـه أصـروح
وكم نفسٍ من طارف عطاه أستراحت
الله وهبنـا عـز و أمجـاد وطمـوح
وذكرٍ على جـدران الأيـام ناحـت
هذي مراجل مهب ضحك ومـزوح
ما هي شموعِ لضوى الصبح ساحـت
الصفح خصلة والفخر ما له سطـوح
والحزن لسيطر على الـروح ناحـت
بعض الجروح تجي لك شوي وتـروح
وبعض الجروح إن جات ما عاد راحت
كلمات :: بندر عبدالله ::
|
 |
رد مع اقتباس
المشاركة الأصلية كتبت بواسطة الشفق
