اليوم هذا حزن, وشعور فرقا, وكبت
دورت للشعر شي يردني مالقيت
كثر الفرح بالشعر زمان لامن كتبت
كثر الحزن للشعر هالحين لامن قريت
عرفت معنى حضوري بس من يوم غبت
ماعاد همي غلاف وصوره ومانشيت
خسرت ياما ولاعمري وقفت وحسبت
لو بحسب اللي خسرته فالحياة..أغتنيت
صدقت هذا,,على هذا شرهت وعتبت
زعلت,,ماشفت أحد همه رضاي..ورضيت
في عز ماكنت محتاج لعطا..ماطلبت
وفي عز ماكنت محتاج أني آخذ..عطيت
خليت حزني, وذكراي القديمة..وجبت
حلمٍ نسيته ورى ظهر الليالي وجيت
جيتك بعد ماتعبت من الغياب وهربت
في داخلي حكي..خايف نبتعد ماحكيت
الصمت طوّل..وأنا من طول صمتي تعبت
ماعدت أنا المشتعل, طار الفراش وطفيت
واليوم بعد التعب والحزن والصبر..تبـت
وخليت لك جرحك..وخوفي عليك وسريت
يمكنّي أنساك لو طال الزمن وأغتربت
ويمكن تبقين فيني عايشه ماحييت
أحيان: صدقك صعب تخفيه لامن كذبت
لاقلت ناسي..وصاح الجرح : لامانسيت
|
 |
رد مع اقتباس
