لا 10 لا و الله 100

[الحبيب الرومنسي]

جربي مره تقولي يا فتى حبك سكني
جربي مره تقولي ابشر بقلبي هديه

والله اني لا اتربع واوزن العود واغني
" هل رأي الحب سكارى مثلنا " يا اليعربيه

كم تمنيتك فديتك في شراييني تشني
معركة ذات المشاعر وانتصر فيها عليه

كم تمنيتك تشوفي مسرح العاشق وفني
وروحي من فوق المنصه تبدع بدور الضحيه!

كم تمنيتك تزيلي للأبد شكي وظني
دايم ظنوني تودي للأسف " لا منتي ليه "

كم تمنيتك تهيمي منتهى الوجدان مني
والخبر عندي بأنك تغرقي في شبر ميه

كم تمنيتك تعيدي ضحكة الحالم لسني
مصعبه ضحك المجامل والصدق انه خطيه

كم تمنيتك يتيمه وخافقي دار التبني
واطلبك واسمع جوابه " خلها تكبر شويه "_::_

كم تمنيتك أسيره للغرام اللي سجني
واحبسك واطلق سراحك من عقب ما اطلق يديه

كم تمنيتك مدينه سورها عالي لأني
اعشق بقلبي ووجدي من قبل تعشق عينيه

كم تمنيتك وليتك تفهمي معنى التمني
ما تأخر من وصل لك لو على حوض المنيه

حيلة العاجز اماني لابسه ثوب التجني
ان حلم فيها تعذب وان غفى عنها أذيه

واعترف قلبي تمنى حضرتك يخرب مطني ")":
لعنبو حضرة جنابه ما حفظ عهد الوصيه

قلت له من قبل اعرفك السلامه بالتأني
ويوم شافك تضحكي له قال بس هذي الصبيه

قلبي وداري بنبضه مشتعل من قلب جني
كان في عصر الملوح منجبر بالعامريه

ويوم الله ما قسمها لا استراح وهو يوني
ونةٍ ظلت بصدره من زمان الجاهليه

وبعد ما شافك غرامي ارتبك ثم(ن) حضني
وقال كلماتٍ كثيره نصفها بالفارسيه

ورحت اترجمها واشوفه وش حكى عنك وعني
وما لقيت الا الحقيقه " ان ما عشقتيني غبيه ! "

ذلك لأني مشاعر مابها زيف وتدني
ترتقي كل يوم مره
لا
10
لا والله
100
تحــــــــــــــياتي لكــــــــــــــم

[أبو نوف]

تسلم الذائقة حبيب
وينقل للقسم المناسب مع الشكر والتقدير