يارب تشفيها
ياقلبـي اللـي بيـن الاضـلاع نــزاع
ياليـت لـي ياقلـب فــي داك حيـلـه
كـود الليالـي يرجعـن الـذي ضــاع
والقـا عقـب فـرقـا الوليـفـه بديـلـه
العـمـر يفـنـا مــع ليالـيـه بـاسـراع
مـرحـوم ياقـلـبً جــلا عــن خليـلـه
وقتـي رجيتـه لكـن الوقـت ماطـاع
ياويـل حالـي مــن زمـانـي وويـلـه
الناس تشكي كل منهم لـه اوجـاع
وانــا بهـمـي عـاجـز انــي اشيـلـه
مـاهـو بـهـمً واحــدً صـايـر انــواع
بـعـد الـديـار وفـقـد خـــل ودلـيـلـه
اللي لها في داخل الجوف مربـاع
ترقد على بيـض المفـارش عليلـه
يارب تشفيها من اسقـوم واوجـاع
وتعيـد بسمـات الحنـون الجميـلـه
يارب لاجي بك مـن الوقـت ملتـاع
ارجـيــك تشفـيـهـا وداهـــا تـزيـلـه
ماعاد باقي لي بعدها سوى القاع
لان الـحـيـاة بـدونـهـا مستـحـيـلـه
والله يكافـي لاصبـح الرجـل جـزاع
والوقـت ضيـع مـن يــدور سبيـلـه
|
 |
رد مع اقتباس
.
