لا ضاق صدري رحت للبر حطاب

[قلب الوفا]

لا ضاق صدري رحت للبر حطاب
وشبيت ناري في صحاري خلاها

وسط الفياض اللي بها أزهار وأعشاب
ريح الخزامى فايح(ن) في مساها

سترجع الذكرى على رأس مرقاب
وأرسم لقلبي صورة(ن) ما نساها

دنياك تلبس لك عبايه وجلباب
وتخفي غدر سود الليال وجفاها

شفت القمر يوم اكتمل صار جذآب
نور ليال(ن) مظلمه في سماها

ترى العمر مثل القمر طل ثم غاب
أغنم حياتك لا تكدر صفاها

حافظ على الطاعه قبل يقفل الباب
ثم يتبين صحها من خطاها

اليوم فعل الطيب راعيه ما خاب
عند الرجال اللي بعيد(ن) مداها

الطيب يبقى يا فتى الجود لو شاب
في شجرة(ن) سيل المكارم سقاها

والبيت ما يبنى بلا أوتاد وأطناب
ومن لا بنى يسكن مذاري هواها

[عبده حكمي]

والبيت ما يبنى بلا أوتاد وأطناب
ومن لا بنى يسكن مذاري هواها




نعم الأساس هو كل شي وعليه تقوم باقي الأشياء
فالبناء الثابت القوي لايهتز مع الوقت في الشخصيه والصداقه والود والتراحم والتلاطف وغيرها من الأمور ليس في المساكن فقط

وزي مايقولوا قدم السبت تلاقي الأحد

شكراً لهذا النقل دمتي بود

[سراب01]

صح لسانك ولسان من قال :

اليوم فعل الطيب راعيه ما خاب
عند الرجال اللي بعيد(ن) مداها

الطيب يبقى يا فتى الجود لو شاب
في شجرة(ن) سيل المكارم سقاها

[دلال]

روعة قلب وبوقتها القصيدة

البر خيااال هاليومين

دمتي بود

[قلب الوفا]

شكرااااا جزيلاً لكم جميعا ع تواجدكم ومتابعتكم
الرائعه

[البحار الكبير]

صح لسان الشاعر ومن عندي

اعشق الصحرا وانا لها خطاب
اجمع حطبها وفيه للنار شباب

واحلى طلعات للبر هذه الايام عندنا في الرياض
من اجمل الاوقات
شكرا قلب الوفا
ولك تقديري وتقديري

[قلب الوفا]

شكرااااا جزيلاً للجميع
شكرا لك يابحار
صادق هالايام اجواااء رائعه جدا