عداوي أيها الرائع
هذه القصيدة من أروع ما قرأت
واسمح لي عزيزي بالتطفل على صفحتك هذه
بإيراد القصيدة كاملة واسمها ( دعوة الغفران )
ومعقولة تجي منك وترميني لأي إنسان = يلملمني ولا يلقى ابعيوني غير دمعاتي
أنا ما صدق إنك انت تنهيني من الوجدان = ترميني وأنا أشوف القبر نادى مسافاتي
وكسرني الشتا ياوليد وأنت بداخلي دفيان = تحملت الأسى والضيم عشانك يابعد ذاتي
وصحى بي البرد والا هوب وانت بداخلي غفيان = تحملت السنين وقلت على الله تلملم شتاتي
أنا امك ياهيه امك حملتك والعذاب الوان = ولدتك والألم سكين يركز داخل لهاتي
وانا أثناء الولادة من بكى صوتك طعنت أحزان = لأني شفتك بصوتك تنادي كل طموحاتي
ومهدتك في عين وعين يشرب حزنها القرآن = وهزيتك وكان النور يتهزهز من دعاتي
أضمك في يديني لا تجي وتقول أنا بردان = تركت البرد لضلوعي رح انشد رعشة شفاتي
وزولك من ركض فيني لمست بداخلي أوطان = تركتك تبني المجد على اكتاف انكساراتي
وتذكر يوم مدرستك صدى وكفوفنا حرمان = وكانت رنته من فلس خنقته لك بشيلاتي
كبرت وصرت بعيوني شجاعٍ وأشهم الفرسان = وحلفت إني على عرسك لرقص كل شيباتي
أسولف للبشر عنك وأقول ولا به أي نقصان = رضع عز الشهامة شب طموحه في معاناتي
وله شان الصقر لالا أخذ منه الصقر له شان = يجي مثل الوضوء لا طب حنينه فوق راحاتي
يقولون الولد هو خان أقول وليدي لا ما خان = وهم يدرون ما غطى منامي غير وناتي
أفا وشلون تتركني يكحلني عمى النسيان = ,انت أدرى يوم الحشر جنة تحت خطواتي
لك الله ما نطق صوتي لك إلا بدعوة الغفران = ولكن خوفي من حزني ومن دعوات عبراتي
تدين اليوم ياوليدي وباكر للأسف تندان = ويرمونك مثل أمك وتذكر حلم شيباتي
رد مع اقتباس
المشاركة الأصلية كتبت بواسطة صدى الوجدان
