صـــــــــــــــــوت و صــــــــــــــــــــــــــدى

[النواوي]

بسم الله الرحمن الرحيم

تحيه طيبه وبعد
احبابي الكرام هي فكره وددت طرحها تحت هذا الاسم صوت وصدى
وتدور حول اختيار المشارك قصيده لأي شاعر نبطي من الشعراء
ويقوم بالرد على مااختاره بنفس الوزن والقافيه في اي غرض من اغراض الشعر
كا الوصف
الغزل المدح الرثاء الهجاء وغيرها
مما يحفز الجميع على الكتابه والمشاركه كلٍ حسب ذوقه واختياره
هذا ووفق لله الجميع

[قلب الوفا]

والله فكره روعه ماشاء الله
حلوه الرديات بينك وبين قافيه تكون جاهزه

النواوي .. موفق

[أطياف السراب]

فكرررة رااااائعة
بس هل هي محاورة ام مجاراة
يعني على حد علمي المجاراة نوعان
في المعنى والمغنى (محاورة)‏
ام فقط بالمغنى والقافية
وهل مجاراة شعراء المنتدى فقط ام اي قصيدة
تروق لي من برى او من المنتدى نجاريها
وشكرا

[النواوي]

حياك الله اطياف
لك حرية الأختيار والمجاره في المغنى فقط
وإن اردتي المعنى فهذا لايزيدنا إلا نجاحاً على نجاح
تحياتي

[النواوي]

نشر الموضوع LinkBack URL About LinkBacksBookmark & Share Digg this Thread! Add Thread to del.icio.us Bookmark in Technorati add to facebook

يسعد

صباحكم / مسائكم

بكل خير



هذه قصيدة لصاحب السمو الملكي الأمير الشاعر خالد ال فيصل
حفظه الله






والقصيده مغناه طبعاً



أنــــــا وخـــلـــي

أنــــــا وخـــلـــي كـــــــل دار وطـــنــــا

عيني وقلبي كـلـهـا لـــه هـديــه

لـــو التـمـنـي يـنـفــع الــلــي تـمـنــا

ماكان صرت اليـوم نفسـي شقيـه

اشـــوف كـلــن مـــع حبـيـبـه تـهـنـا

وانـا حبـيـب الــروح صـعـب علـيـه

أنــــــا وخـــلـــي كـــــــل دار وطـــنــــا

عـيـنـي وقـلـبـي كـلـهـا لـــه هــديــه

قـلــبــي بـحــبــك يـاحـبـيـبـي تـعــنــا

ارحـــم يـعــل ايـــام عــمــرك هـنـيــه

ان كان سيد البيض بالوصل منا

خـطـيـتـه يـاكـبـرهــا مـــــن خـطــيــه

[النواوي]

ياابوفيصل وش معك للمعنا
شخص جروحه كل لحظه نديه
الوقت جاير والظروف ابعدنا
اقفت وشالت صاحبي من يديه
عقب الوناسه بالبطا فرقنا
وخلت دموعي فوق خدي هميه
دنيا التعاسه سيدي ما امهلنا
جارت وصكت كل بابن عليه
تبسمت دنيا العنا وأوهمنا
وأثر الخيانه سيدي با الشفيه
في غفلتن منا بعيدن خذنا
يم الفراق وليلة سرمديه
بين الهموم ودمع عيني رمنا
وضاقت حياتي عقب ماهي هنيه
لو بالتمني كان قلبي تمنا
شوفت وليفن راح مني خطيه
لاشك قافك للورى رجعنا
وذكرت قلبي باليالي الخليه
ياابوفيصل وش معك للمعنا
شخص تولع في غرام ابدويه


سيدي شاعر لايجارى ولا كنها مجرد محاوله

[أطياف السراب]

الله الله رااااائعة بحق
صح لسانك ولسان بوفيصل
مجاراة تنم عن شاعر فذ
متمكن من سرد الحس الشعري
باسلوب يمتع به المتذوقين
سلمت وسلم فكرك

[النواوي]

اطياف السراب حياك الله
انتظر تشريفك بمشاركه يارائعه

[خالد معافا]

هذا خالد شاعر شعره تغنا

في كل حفله قدم هديه

ينطق البيت وصفِِِِ ومعنا

وباقي للوصف داخل بقيه

من قرأ للحروف شعره تهنا

ومن سمع للصوت قال عطيه

شاعر الأحساس للوطن تغنا

والغزل زاد وصفه نقيه



شكرا لك اخي النواوي وهذا محاولة على شانك أتمنى لك التوفيق في حياتك



احترامي

[عبده حكمي]

موضوع جميل أخي النواوي
ومجاراة كانت أكثر من رائعة للشاعر الرائع الأمير خالد الفيصل
وإذا سمحت لي الظروف فسأتي لأشارك بقصيدة قبل الرحيل
..
خالد معافا أيها الجميل
إستمر وأتحفنابجمال أحرفك..مالك والنواوي
إختر لك قصيدة يحبها قلبك وجارها بحرية مطلقة

[النواوي]

هذي قصيدة أكيد الكل سمعها للشاعر محمد ابن فطيس المري في شاعر المليون


وهنا أقدمها لكم كاملة بدون نقصان ان شاء الله

كتبتها للجميع لما فيها من الجزالة والابداااااع الغير مسبووق



يقول فيها:0


بعض العرب حبه يوردك الجنون
ولا يوصف له غلاه احكاك له

ما يقنعه وصف الغلا وش يكون
لو كل حرف بالحرير يحاك له

الموت جاك وهو تقلبه الظنون
ولا لك الا الصبر ....وش وداك له

ان قلت ضايق ..قال..هونها تهون
مايدري ان ضيقتك له ..وبكاك له

تقعد تحبه وانت ساكت ومغبون
يمكن بيوم يقال لك ما اوفاك له

وكانك مشكك هو يمون ..او ما يمون
تخيل ان عفت الصبر فرقاك له

غلاه من فوق الغلا ماهو بـ دون
وحكاه سمعك يجبرك بارخاك له

ودك تحطه فالعيون من العيون
وتبسط على رمض الثرا يمناك له

وتظلة من الشمس في ظل الجفون
ولا يمر اذنــــه سوا لباك له

وتسج من غيره لونهم يذكرون
ومنين ما سجت القدم ممشاك له

غرو ٍ يميله الترف ميل الغصون
غصن الليان ومكرمه بسقاك له

جديله الى اقفى ستر منه المتون
كني بريحه لا التفت لدعاك له

يزها الملابس ..اي لبس..واي لون
وفالليل وجهه لا ظهر قداك له

كيك وعسل لكن ما هو في صحون
ودعاك من عين الحسود اغطاك له

الله لا يعطيه ناس ٍ ينضلون
ويستر عليه من النحل لا ياكله

والوصف والتعبير في وصفه يخون
غير اطلب الله يستجيب ادعاك له

وعذال قلبك في محبته يهبون
سكينهم عن قطع حبله حاكله

اللي من لحوم الاوادم ياكلون
وحلوقهم دفع البلا متواكله

ناس عن اعراض العرب ما يعرضون
ودايم على نفس الشكل والشاكله

في سلمهم اولى بالاكل الاقربون
واطيبهم اللي صيدته شكواك له

يدعيهم الشيطان للذنب ويجون
هذا يقطع له وذاك يواكله

من جاك منهم لا تبين له سنون
واضرب يمينه لا بغى يسراك له

يا جعلهم فدوة ثرى الغض الفتون
اللي على الدرب الطويل اخطاك له

طيفه الى نام البشر زارك بهون
وطيفك الى نام البشر سراك له

حبه دفان ومقبرة خضر الطعون
بين العظام العوج كنك ناكله

فلو غلاة يوردك حوض الجنون
ولا يوصف له غلاة احكاك له

اللي كذا حبه لو تموت مغبون
ولا لك الا الصبر ويش وداك له




وسلامتكم

صح لسااان ابن فطيس

[النواوي]

قصيدة الشيخ علي بن سالم الكعبي
لاكن ولكن
للنبض عشره والقلوب إيتشاكن
قلبي لقلبك يشتكي ضيق واحزان
في غيبتك ضاقت بلاد واماكن
ماكن لي ديره ومسكن وعنوان
اقلامي الجزله عليك يتباكن
من كثر ماخطيت ضلع القلم بان
اخفت شعاع الشمس والجو داكن
شخصي على شوفت محياك ولهان
الناس من حولي كثيرين لكن
وقف على لكن تعرف الذي كان
محدا وفالك مثل قلبي ولاكن
كثر الذي كنه من عتاب وأشجان
العمر يجري وإن سكن فيه ساكن
لابد مايرحل ورى حدود الازمان
دنياك ماتسوى وكم حي ماكن
فيها تمكن وقت واصبح خبر كان
جرب على كيفك جميع المساكن
مالك سوى قلبي على الأرض مسكان

ويبقا سمو الشيخ علي بن سالم الكعبي راعي الاوله

[النواوي]

السهارى كلهم لو يسهرون
ماتنبو للسهر ومشاكله
والعذارى كلهم لو يفطنون
المحبه والوفاء هي ادلاك له
وانت وانا عايشين بوسط كون
فيه صار الشعر هرج ادناك له
فيه ناس اتقول مالا يعقلون
وفيه ناسن تحرجه بطراك له
وفيه شي تختلف فيه الوزون
يتعبك في نطقته وإعاك له
مثل حاجه حولها يتجمعون
شلة ويمتطون اسياك له
بنقله وهنود لكن يضحكون
للحياه المضنيه والناك له
ليتنا وياليتهم بس يفهمون
الشعر به شي يحداك له
غبنتن ياعشقتن وإلا طعون
يافراقن احرقك بحراك له
يارحيل مقتنع مايرجعون
من خذتهم لحظته منعاك له
وإلا صدمه في رجال يفزعون
ليه صارو امراكنه ومحاك له
دنية فيها الامل ماله متون
وإن تعدل مجلسك متكاك له
زمرة من ذمهم يستمدحون
مبهتين مغيبين امواك له
لا احتملت الحد قاموا يلهثون
لو يصفو كلهم ذي الشاكله
ينعقون وينبحون وينهقون
ولا تلعى البوم محد يداك له
وانت عندي فوق مالا يدركون
يامهيض مولعك بغناك له
مدنا في شرعهم شد وسكون
ومدهم في شرعنا من ياكله
ولو بالغلا بنات حواء يخلصون
ماشفت عاشق يشتكي امشاكله

ويبقا ابن فطيس ابن فطيس

[- مجُرد طيف !]

مــاشاء الله طرح رآآئع لك أخي النواوي

ننتظــر المزيد من إبداعاتك ....
سلمت....

[النواوي]

غواني غواكن
عينك بعينه بس عيني تراكن
وجدان واعزفها لجل بوح وجدان
ياهل الهوا واحد هواي وهواكن
لو إن دمعي فوق الأوجان هتان
رضاكم رضاي ومن رضايه رضاكن
عادات وسلوم وطبايع وعرفان
مالي سواكم لا ولالي سواكن
إلا ولي العرش الحق سبحان
غواكم غوا لكن غواني غواكن
حظوظ واقدارن ونزوات شيطان
ياغيد عنا عل يدفع بلاكن
من حطني لجل الهوا بين قضبان
على نباء اللي يشتكي من جفاكن
جريت من صدري تباريح وألحان
لا ياعلي ليت اليالي يتحاكن
وإلا الرهين يفوز بعتاق رهاااان
دنيا اغزلت فينا وجعها وحاكن
اخيوطها لون ولا كل الألوان
دست لنا سم المفارق وعاكن
هرجن ملاه الوقت زورن وبهتان


ويبقا سموالشيخ راعي الأوله

[حياة]

إجابةً لدعوة الأخ الفاضل النواوي أحببت أن أشارك بهذه المشاركة
وهي صدى لقصيدة ( حامد زيد) الجمهرة



الصاحب اللي مايجي من صحبته غير العذاب.
نذر ٍ علي إن ماهجرني وإلا أنا اللي بهجره.


من يفتح لفرقاي باب أفك له عشرين باب.
وإذا خويِّي مايقدر خوتي ما أقدره





.....
وهذه أبياتي؛

صمت المحابر مايحرر حرف ويألف كتاب
ياللي ذبحت بصمتك اقوى ماعطيتك واكبره

شفني تحملت القساوة لاجل عينك والعذاب
واثرك تعوّدت الخطا ولانويت المعذرة

تدري وش اللي يحقر الصادق اذا جاه العتاب؟؟
مايقدر يقول الحقيقة ، والكذب مايقدره

وده يقول انه جزاك الهجر لكنه يهاب
وده يقول ومايرده غير خوفه تهجره

ياشين لاجاتك جروح ومابعد خاطرك طاب
مكسور خلقه وانت جيت بكل قسوة تكسره

معاد له داعي أعاتب ،، باخذ جروحي زهاب
يمكن مع الايام حبي بالليالي تذكره

وانت الله يوريك يا بن الناس وش درب الصواب
اخفض جناح الذل للذكرى ودمعي إستره

وان جا ف يوم وحنّ قلبك للمواصل ، لاتهاب
تعال،، لك شافع بقلبي رغم ظلمك: م احقِره

م احقره أقصد بها لا أحقره أي لا أخيبه ولا أرده.

[ملكة حرفي]

إ

جابةً لدعوة الأخ الفاضل النواوي أحببت أن أشارك بهذه المشاركة

وهي صدى لقصيدة ( حامد زيد) الجمهرة



الصاحب اللي مايجي من صحبته غير العذاب.
نذر ٍ علي إن ماهجرني وإلا أنا اللي بهجره.


من يفتح لفرقاي باب أفك له عشرين باب.
وإذا خويِّي مايقدر خوتي ما أقدره





.....
وهذه أبياتي؛

صمت المحابر مايحرر حرف ويألف كتاب
ياللي ذبحت بصمتك اقوى ماعطيتك واكبره

شفني تحملت القساوة لاجل عينك والعذاب
واثرك تعوّدت الخطا ولانويت المعذرة

تدري وش اللي يحقر الصادق اذا جاه العتاب؟؟
مايقدر يقول الحقيقة ، والكذب مايقدره

وده يقول انه جزاك الهجر لكنه يهاب
وده يقول ومايرده غير خوفه تهجره

ياشين لاجاتك جروح ومابعد خاطرك طاب
مكسور خلقه وانت جيت بكل قسوة تكسره

معاد له داعي أعاتب ،، باخذ جروحي زهاب
يمكن مع الايام حبي بالليالي تذكره

وانت الله يوريك يا بن الناس وش درب الصواب

اخفض جناح الذل للذكرى ودمعي إستره

وان جا ف يوم وحنّ قلبك للمواصل ، لاتهاب
تعال،، لك شافع بقلبي رغم ظلمك: م احقِره

م احقره أقصد بها لا أحقره أي لا أخيبه ولا أرده.

حيااااااة

الجمهرة قصيدة حوت العديد من الحكم
ومجاراتك لها
مذ ..هلة
حياة ووالله لا أجامل
أنت شاعرة

ماااااالكة

بلاغة الشعر
يعلم الله ما أدري ما أكتب
من جمال المعاني
النواوي
موضوع أكثر من رائع
تجهزت يوم انطلاقه لأكون بالطليعة لكن خذلتني الظروف
قد الحق الركب

[أطياف السراب]

مبدعين النواوي .... حياة
استمتعت هنا بحق
يعطيكم العافية

[النواوي]

حياة
ملكة حرفي
اطياف السراب
وجودكم هنا قمة الرونق اهلا سيدات العزف
لكم التحيه وننتظر المزيد

[النواوي]

القهقره

يادنيتي ليه الخطاء في ناظرك عين الصواب
وليه التبس في معجمك معنى الرضا
والقهقره
وش ينفع عنادك وانا اعيش همك
والعذاب
لين التقا من ضيقتي ايمن خفوقي
بأيسره
مديت لك كفي وفاء صافحت انا فيك
السراب
ربي نهى قهر اليتيم واشوف غدرك
يقهره
إلي متى يادنيتي وانا ورا سورن وباب
عايش ولكن عيشتي أشبه بميت في
مقبره
قلبي غدا روض العناء والكبد يرعا فيه
داب
وحظي ولو إنه طويل ينقص إذا جيت
اشبره
حتى الذي عديتهم في دنيتي ربع وصحاب
صارو متاهة دورتي وابشع طريقي
واقشره
احدن مع الايام راح واحدن معي لاشك
غاب
عايش معي في كل شي ينكر وجودي
وانكره
واللي حنت ظهري حمول تهيب اللي مايهاب
لوشال همي طويق صاح مااقدره
مااقدره
عمري على عشرين تسع ماشفت فيها
يوم طاب
زميت من كاس العناء اوسخ مراره
واكدره
اصغر همومي يوم جو وحطولي كوم
من تراب
وزف البشير انهايتي ولاكن حين ينهره
وغديت انا لدرب الهلاك في واقعن كنه
كذاب
ياقوته قلبي عنيد ياقسوته ما اجبره
يغض لك تتبسمي ويقز حظه منك ناب
صدره من افعالك طعون وإن دار عثتي بأظهره
يارد على اعدودك قدر يشرب من ابطونك شواب
سهمن يقر بمعصمه وسهمن يبيت بمنحره
حتى اختلط في داخله دم الشقاء ونزف المصاب
وايس يميز في الوجود اجمل مصيره واحقره
مدري يداريه العناء وإلا تستره الثياب
وإلا خلعتي كل شي قد كان منك يستره
حاير يدور داخلك سؤال يبحث عن جواب
سلطان دولة قوتك رجاه جيش استنفره
يادنيتي منك انا غديت عودن من ثقاب
إنما احترقت بظلمتك أشب حزنك واسهره
كنه غدالك شاعرك اوراق حزنن في كتاب
مدري غديتي لشاعرك كل القصيد بدفتره
حامد شمالك فيك شب ويحي جنوبك منك شاب
وإن استوا طرق البيوت ميزته صوت وحنجره
ياحظي انهض بي وهيم هيا اعتلي متن السحاب
واظفر من اللي باقين بالعمر اللي تضفره
إن كان حدك عن هل الطولات عكفين
الشناب
شي به الله خابرن وايضا عباده تخبره
الصبر مفتاح الفرج والله تكفل بالحساب
في سبيل ترضي خالقك اللي بقا منك
اخسره
الشيد قصر المعرفه وإلا الثرى قصره خراب
ينهد قصرن دامها سوسته جهلن تنخره
يأدمي دام التراب اولك اخرتك تراب
وكم راس دس بها الثرا للموت واحنا
نذكره
وكم راس عايش عيشته كالبوم وإلا
كالغراب
طاريه شئم وطلته اكيد قولة ماأدبره
زكاة مال الادمي إذا بلغ حد النصاب
ولاخير في نفسن غدة على الزكاه المجبره
يأدمي ماينفعك في رحلتك مال وزهاب
دام المبيت فحفرتن تلقاء بها اللي تحذره
إما جزات المهتدي وإلا العقاب اقوى
عقاب
نار ادلهمت واستوى احمر لضاها واسمره
من هول يوم الأخره تبرا رقابن من
رقاب
ابوك عمك صاحبك يايدحرك ياتدحره
لاذاك بشته ميزه ولا ذيك ساترها حجاب
في موقفن ربي قبل ناقفه بين مظهره
ينجا به اللي بدنيته صلى وزكا ثم أناب
ويغدي به اللي فدنيته حتى النشور
استكبره
يالله احسن دنيتي واجعل لي الأخرى
ثواب
رضاك عفوك رحمتك درب النجاه
المغفره
قصيده قديمه لي اجبرتني على طرحها
الاخة حياة
فلها مني كل تقدير واحترام