ثارت رياح وعواصف زعزعت صمت وسكينه
هزت الدنيا عواطف واغدقتها بالميانه
كن يدي فوق يده وكن عيني اتشوف عينه
كن يسعى لحتضاني وانا اقرب لحتضانه
كن ركاني يمينه إلا ركاني يمينه
بس خان الوقت يده وإلا خلي الوقت خانه
ياعواصيف الموده راح موجك بالسفينه
علميهم يوم ابحر كان يقصد غير دانه
اليالي والمقدر وحكم رب الخلق زينه
بس ليت الصبر خلي بالوفا اتجمل وزانه
يازماني كل حاجه اتصير فيك اليوم شينه
وإلا من فعله بيده عكر الصافي وشانه
كنا اغلا من حبايب كنت كني له جنينه
سقته لقمة هبالي وجابني لأخر جنانه
لابغاني اجيب شي حتى قبل يقول وينه
ابتسم له من غلاته واخذه واقول عانه
ولا اشتهى يسمع جديدي قمت اقبل وجنتينه
واترجل جزل طرقن بسمته ساقت ثمانه
ياوجودي راحة اللي لواسميها الحسينه
فتنة تحرم تصور في زمنا وفي حسانه
لبت لصوتن زهمها وفاضة الروح الأمينه
حضها الفردوس الأعلى تسكن بعالي جنانه
طفلة كانت بصدري وامست بصدره رهينه
قبرها اللي يوم خذها ليت خذني في رهانه
راحة اغلا امنياتي واتركت روحي حزينه
وكل شي محتضني بعدها يقول الامانه
حتى قلبي يوم راحة صار يعمل كالمكينه
عايشن حلمي بعطل يشل قلبي من مكانه
عشر فوق العشر وانا مغرمن نفسه سجينه
يشد رحله يم دارن شال خلي من زمانه
ثارت رياح وعواصف وشفت لمحه من جبينه
هيضت نفسن تحبه تعشقه عشق الديانه
لو سليته عشت كني ظمن اشياء بالخزينه
وإن ذكرته من يصبر دمعتن تبكي حنانه
|
 |
رد مع اقتباس
