اللي يشا يتعلم امكذب يحفش بنفسه هنا
سلاموووووووو عليكوووووو
سلخير
يمديكم على العنوان هاه
يقولون العنوان والمقدمة نص الموضوع ونا ووجهي ماعندي مقدمة قلت مالي الا احط عنوان يسحبكم
ندخل على الكرشة :
طبعاً كل ابوكم تذكرون سالفتي يوم يوديني الوالد لتحفيظ القرآن ويوم يوديني للشيخ اللي تفل في وجهي
اليوم ابي اكمل لكم الحكاية بعد مادخلت التحفيظ
المهم الوالد ماسكني مع اذني كنه بيدخلني المصلخ ههههههههههههه
وبعدها كلم الشيخ وقال: نبيكم تدخلون ذالمهبول تحفيظ القران غدية يعقل ( قال يعقل قال )
أنا سمعته يقول تحفيظ القران كن واحد يقول فيه قنبلة بتنفجر في المسجد ما تشوف إلا غباري
عطه بنت كلب وأبوي يلحقني ويصارخ امسكوه حجروا له
صايرن كني ضحية العيد منحاش وبعد مامسكوني قام أبوي بضربي ضربن مبرحن وأبشركم توطاني ودخلني للمسجد وقال ممكن تدخلونه قال الإمام أكيد واليوم عندنا رحله للبر إذا ودك تخليه يخاوينا
قال:ايه اكيد
رحنا على جيب الإمام موديل 77 يالله لك الحمد والشكر
عالم زحمة تقول زيود وقاعدين في السيارة ويصارخون يغنون أناشيد وأنا ودي إني قاعدن استهبل في منتدى وسع صدرك اصرف من هالازعاج كخخخخخخخخخخخخ
مشينا 600 كيلو وضيعنا الدرب
أنا أقول في نفسي شكلنا بنلقى لوحة مكتوب عليها مرحبا بك في الخرخير
واخيرا وقفنا ونزلنا وقعدنا ندق الخيام ثمن رحنا نتمشى في عز الظهر
وأنا اهوجس اكتشفت اني ضعت ولا في احد حولي ودورت يمين يسار مالقيت احد وقعدت اصارخ يا مطوع الله يرحم والديك تكفى مالها داعي اموت موتت التسلب فيذا
محد عبرني مادريت إلا أنا حول كهف قلت حلو أوي أوي اصلاً أنا توني متغدي ومكثر لبن خلني ادخل اخذ قيلوله
وفكرت اقيلل الين سبع المغرب وبعدين اقعد ادور ذالمطاوعه ودخلت الكهف واثره ظلام واطلع جوالي عشان النور
واناظر الجدران إلا فيها رسمات قطاوة وخراويف وخرابيط وأنا أقول في نفسي داخلن كهفن في الربع الخالي ولا أهرامات ابو حجر خخخخخخخخخخ
دخلت زيادة وفجعتن وبدون سابق (ولاحق) إنذار شفت شايبين نايمين عليهم ملابس غريبة
قلت هيييييييه وسمعوني وقاموا من النوم واول ما شافوني نقزوا عندي يناظرون ومستغربين ويحوسون ويمسكوني ونا اطالعهم وساكت
بعد نص ساعة نطق واحد فيهم قال من اين أنت يا اخ العرب هاه
قلت احلا الدعوى فيها اخ العرب هذا اللي ابيه
قلت في نفسي ذولا يستهبلون
قالوا: لما لا تجيب على سؤالنا يادب ؟
قلت : أنا من احد بلاد النهرين الجهوية الواقعة في جزيرة العرب المقابلة لحراج بن قاسم بجانب مخبز افغاني اسمه امفصعة بريال هههههههههههههههه
انلحست عقولهم طبعا
قالوا: وما اسمك ياهذا
توني بقول مزوام
وفكرت ذولا وش يعرفهم وشو مزوام وتاريخه وحضارته وإنجازاته وش يعرفهم بعد عن حروبي مع هرقل ابو شوشة وضفادع الننجا خخخخخخخخخخخخخ
فكرت وقررت أستهبل عليهم
قلت : أنا فتى منفوحه هههههههههههه
قالوا : هاه ؟
قلت :انا فتى قريش
قالو: ماذا ؟
اذن أنت ابن شرحبيل ابن ابي خزاعة اخو رديمة بنت ابي الفل الخبلة المعروفه
قلت : ايه نعم وامي شوعية بنت النظير واخواني المعنى والنمرود والتاريخ اخوي الصغير ماتعرفونهم ها :
تقلبت عيونهم مايدرن وين جبت معه ذا الاسامي
عاد أنا برقع الحين قلت : هذولا اخواني الجدد توهم مولودين ولا اخواني الكبار طحنون والمجندل وفطيس بقنه واخوي الاكبر مني على طول هو شرفي بن كليب كخخخخخخخخ
واشوف وجيهم ركدت شوي
قالوا: وما اخبار المعنى ابن عبدالملك خليفة المسلمين في صامطة
قلت : ابد يزقح مافيه إلا العافية يقولون انه فاتح معهد لتعليم امكبعة فنون صيد امشرافي وتوه صادم ويقولون بيسوون له عمليه يستخرجون من خشمة بعض من فسفور الدردنيل المتواجد في الخلية الحمراء المصابة بفايرس المتصدع والمرور عيا يطلع له ورقة إصلاح عشان خشمة منعفط يقولون عليه فاتورة بيجر والدكتور يقول لازم يغيرون له العوامة عشان مايجية إرتجاج في الكرشة هههههههههههههههههههههه
ويقولون الباكستاني اللي مركبها لعب عليه عشان كذا حنا دايم ننصحكم ماتاخذون من اللي في الشارع اللي خدودهم معفطة يبيلها سمكرة وبوية هههههههههههه
هم ما فهموا شي من اللي قلته وقاعدين يناظرون بعض
قالوا : ماذا اعد ما قلت
قلت: لاحووووووووول قصدي الخليفة بخير
قلت:الا انتم من انتم مين يعني انتم ولا كيف الحال يعني وين جيتوا معه ولا طيب ايش فيه انا وين هاه
رد واحد قال : انا ابو فطحل وهذ ابو جحش
االجحش = قتني صغيرون
قلت:ايه وانا ابو المزاويم
قالوا:هل تعرف شيئا عن رديمة بنت الفل؟
قلت: لا هاه ايه ابشركم رديمة تخرجت من الثانوي بتقدير زي وجهها ودورنا لها واسطة ودخلناها الجامعه وخلصت وتوها متعينه مدرسه في ميناء ردش امعلا هههههههههههه وابوها حالف مايزوجها يبي راتبها ههههههههههههههه
قالوا :وما اخبار سوق عكاظ
قلت : ماش ماهوب السوق اللي خبركم يقولون راعيه فلس وقلبه مجمع اتصالات
قالوا : واين ذهبوا الشعار
قلت : ابد جرير فتح له محل خضار والنابغة الذبياني فاتح له محل فول يحبه قلبك وعنتر بن شداد كفشوه مع المظاهرات والفرزدق يشتغل في كبينة اتصالات وابو نواس فتح له محل تسالي وبطاطس ومحد فاضي للقصيد
قالوا: ومن يكتب الشعر
قلت مالها إلا رجالها فيه احسن من الفرزدق والذبياني وجرير فيه شاعر الخليج الملقب بالتاريخ هههههههههههههههه
قالوا: اهوا بارع في كتابة الشعر
قلت : افا عليكم بس وش ذا الكلام والله انه مع جمبها هههههههه
قالوا: اعطنا مما كتبه قلت ابشرو هذا البيت من احسن ابياته
لاتحسبني يوم عطست بالليل مزكوم @ ترا من زود الطفش قلت اتسلى
وشرايكم بالقصيد هذا هو القصيد ولا بلاش
قالوا : لم نفهم شيئا مما ذكرته
قلت بلاكم دلوخ >>>> مستقوي عليهم عشانهم ما يدرون وش معناها
قلت : طيب بشرح لكم لا تحسبني معناها لا تظنني عطست بالليل وشلون اشرحها ذي قلت عشانه مزكوم زكم يزكم زكامن فهو يعطس وخشمة أحمرن تقل مقفى قرد هههههههههههههههههههههه وهي كلمة فارسية من اصل زيدي ويحلف ان النمرود جاب له العدوى وعطس في وجهه يوم يقول له اشاك تهب لنا شات >>>>> اموت على الشرح اللي كذا
قالوا: لم نفهم بعد
قلت : مهوب لازم تفهمون المهم انه شعر مالأمه داعي وبس
قلت : من متى وانتوا تشاخرون فيذا
قالوا منذ عصر الخليفة مزوام بن مروان كخخخخخخ
قلت تراني ساقط في التاريخ يعني من كم سنة
قالوا: منذ عام 347هـ
قلت يوههههههههه ياكبركم إلا في أي شهر اغسطس ولا مارس
قالوا : في شهر رجب
قلت : طيب الين متى بتقعدون هنا يالله قدامي خلنا ندور الطريق العام عشان نمشي
قالوا : وما هو الطريق العام هاه ؟
قلت : ابد هذا الله يسلمك قلم جاف سايل ازرق ابو اربعة ريال ههههههه
وجيههم تعفطت مافهموا وش أنا أقول وطلعنا في ذا البر الين جا الليل
قالوا: الن نخلد الى النوم ياغولام
قلت : نعنبوكم نايمين الف سنة ولا شبعتوا والله انكم خياش نوم من جد
بعدها ما دريت إلا أنا انعس
قلت : مدام فيكم النوم يالله وانسدحنا وسالتهم انتوا متزوجين قالوا لا ولاكن نملك الكثير من الجواري
قلت : اسكتوا لا يسمعونا الهيئة هههههههههههه
توني بقوله تسلفني ثنتين تذكرت ان الكلام ذا من الف سنة يعني هي في القبر خايسة ما بقا فيها إلا عصعصها وأنا أقول في نفسي هذولا هم اللي لاقينها كل يوم جاريه يا حظهم ما دريت إلا واحد يقول الديك جارية يا فتى قريش اريد واحده الان هههههههههاي
قلت : اقلب وجهك انت وياه قال جارية قال
وأنا أقول في نفسي ايوه شكل ذا وخويه من زمان ماشافوا جواري
قلت : اهجدوا بليزز واخذ فراشي ومخدتي <<< نسيت انك ضايع ما معك شي وين جبت معه ذا الفراش والمخده يانصاب
االمهم رحت بنام بعيد عنهم بصراحه خايف منهم
قال واحد : إلى اين أنت ذاهب لماذا ابتعدت
قلت : لا ابد بس اشا امفيه
وبعد ما قمت من النوم قلت قوموا قامت عليكم القيامة اخلصوا واطيح فيهم ترفيس وتشويت الين تفلوا العافيه
قلت: مشينا ندور الطريق العام
والله وندور وندور الين خسنا في ذا الشمس وفجعه لقينا الطريق العام وأنا اللي اقعد اتشقلب واتدربا من الفرحه واشرت لتكسي <<<< قويه ذا الفقشة تكسي في الربع الخالي كيف هاه
المهم قلت له الرياض ورحنا الرياض ونزلت
قال ابو فسية سواق الليموزين : هزا نفر وين ودي
قلت : الله لا يهينك انطلهم في الجنادريه وخذ منهم الحساب هههههههههههههههههههههه
مايستفاد من القصة :
انك اذا جيت تشغل قناة دريم قفل الباب <<< وربي مالها دخل
واذاقابلت شيبان من عصر الخليفة مزوام لا تجيب سيرة الجواري
انتهت الحكاية يالله عساها تعجبكم وتحرك براطمكم وكل عام وأنتم بخير
خودافس
|
 |
رد مع اقتباس
