قصيدة بمناسبة تدهور سوق الأسهم السعودية
هذه قصيدة احد الاخوان المتدهورين في سوق الأسهم السعودية
تحكي معاناته .
ياسلام الله على (مكه) و(طيبه) و(الجماعي
عد وبلٍ هلت مزونه وأنا عيني تخيله
مرحبا (بالكهرباء) إللي فز من مرقده واعي
شال حملٍ فوق حمله واضحت حموله ثقيله
وش نرقع في ( الغذائي) صارت شقوقه وساعي
شف (لجين) اليوم شارد .. رافعٍ بيده شليله
ماذبحني ياجماعه غير( صدقٍ) و)الصناعي
(و(الزراعي) مانفعني صار طعمه حنضليله
و( المواشي) في الصحاري تايهه من غير راعي
يا عسى ربك يسهل للمؤشر من يشيله
المؤشر لانزل ياخوي يكسر لي ذراعي
والنسب يومن توالت زادت الحمى مليله
حسبي الله ياجماعه راح مجهودي وضاعي
كل ما أملك راح لحظة مابقى .. غير الفشيله
ليت من هو قبل مده ( صفا (محفظته وباعي
كانا أنا سالم .. وغانم .. ماغدت نفسي عليله
والتشكي .. والتبكي .. عارفٍ مافيه داعي
ليه انا امشي في الغداري مامعي فيها دليله
مالقينا من يجاوب مالقينا من يراعي
ضاعت الطاسه وكلٍ ماعرف من هو قبيله
ماسمعنا اللي يصوت ما سمعنا اللي يداعي
مالقينا في زمنا فارسٍ زبن دخيله
ياكثر من راح فيها علقت هم بالكراعي
وكل شخصٍ طاح فيها مالقى إللي يرتكي له
لاتعجل في أمورك لاتجيها بإندفاعي
التأكد .. والتركد .. مامثلها من وسيله
والمصيبه كان حلت ما يغطيها قناعي
ول ياحظ التعاسه .. دنيتي دايم بخيله!!
وسلامتكم
الشاعر : طفران بسبب الأسهم
|
 |
رد مع اقتباس
المشاركة الأصلية كتبت بواسطة النمر
