سو المرض
قصيدة خادم الحرمين الشريفين الملك فهد بن عبد العزيز (رحمه الله ) عندما كان مريضاً في لندن في شهر شوال من عام 1385هــ بعثها إلى المرحوم الأمير فهد بن سعد يشكو فيها قساوة المرض .
يابو سعد صارت على اخوك غارات
شهرين أقاسي من شديد الغرابيل
سو المرض يحمل على اخوك حملات
مافي يدي حيلة ولا في يدي حيل
والله فزع من فوق سبع السماوات
وانا احمد الله يوم صارت تساهيل
ماينفع الخايف والايام عجلات
الخوف ماينفع ولا القول والقيل
حنا هل العوجا ولا به مروات
شرب المصايب مثل شرب الفناجيل
لاشك انا مشغول في كل الاوقات
على الذي حنا بظله رجاجيل
ماني على نفسي كثير الحسافات
لا سلم راسه روسنا رفاع بالحيل
حامي حمانا بالليالي المخيفات
لو صار بالعالم كثير الزلايل
فخر العروبة بالعدل والمسـاواه
هذاك هو فيصل ولا فيه تشكيل
يشهد له اللي شاهدوا منه ليات
ويشهد له التاريخ جيل بعد جيل
وتقبلوا تحيات أخوكم
|
 |
رد مع اقتباس
المشاركة الأصلية كتبت بواسطة فتى الحرث
