كيف تصطادين المعرس دون اللجوء إلى الاساليب السقيمه من المغازلات
والنرقيم والتلميح إلى ماله سنع والترزز بالاسواق ............إلخ
= أهم شي نشني على العجوز إلي حاطه عينك على ولدها ثم نفذي ما يلي :
1.خليكي مع أمك ولا تروحين مع البنات وتتهبلين إصبري عنهم
كم شهر لين تتم العمليه .
2.إمشي وانتي حاطه راسك بين كتوفك ولا ترفعينه أبد حتى لو
عورك و خلي الفكس دايما في متناول يدك .
3.كلمة خالة خليها دايما على لسانك خاصه لام المعرس حتى
تحس بنوع من التميز عن باقي العجائز .
ملا حظة : لا مانع تنادين عجوز ثانيه بخالة عشان إذا ما نجحت
الخطه مع العجوز نمبر ون تنجح مع نمبر تو الاحتياط واجب وأنا أختك .
4- إذا بدأت أمك تتكلم أنغزيها بكوعك عشان تدخلك في السالفة حتى
لو مالك داعي تطبيقا للمثل ( كثر الدق يفك اللحام ) دارية المثل ماله
داعي بس مالقيت غيره .
5-اخوانك الصغار لاحقيهم وطامري معهم وين مايروحون حتى لو ماهي
عادتك بس تصرفي معهم كأنك أمهم عشان العجوز تا خذ فكرة إنك
حريصه على ذريتك.
6-كل ما أكلت أمك من أكله زينه خليها تقولنفس الأكله إلي تسويها
بنتي حتى لو الاكل من مطعم صيني أو مكسيكي .
7-إذا جيتي بتمدي يدك توجعي وخلي أمك تقول : ( قايلتلك وأنا أمك
مافيه داعي تنظفين جدران البيت الخارجيه )
أقول نظفي غرفتك الاول تقولين ثايرة فيها قنبله ذريه.
8-إذا تكلمو الحريم عن العرس إكتمي نفسك لين تحمر خدودك
عشان يقولون البنت تستحي ومالنا حق تكلمنا عندها ( بس لا تكتمي
نفسك بالمرة أخاف تروحي فيها وأصير قتلت نفس بغير عمد )
9- مهما كان موضوع الحوار حماسي لا تبدين رايك خليك مثل البكماء
لان اللقافة تجيب أجل الخطه .
10- شعرك إفرديه لاتخلينه طاير ولا تجعدينه مهما كانت الموضة لان
العجايز ما يدورون إلا إلي شعورهم ناعمه .
11- إذا أدلت العجوز (أم المعرس المتوهقه) باي رأي سواء سياسي
أو وطني ولا اقتصادي وافقي عليه حتى لو إنه ماسخ وماله داعي .
* مثال : تقول العجوز : بوش متقهوي عندنا البارح . قولي لها : وليه
ما علمتينا يا خاله نجي عندكم نساعدكم .
12-في العروس إظغطي على نفسك وأقبضي أرضك ولا ترقصين
وأعتبري الرقص عيب وشق جيب .
13- إذا جا طاري السوق وهو لازم يجي الطاري لانه ملح الجلسه
عند الحريم خلي أمك تقول : بناتي ما يحبون يطلعون السوق أبوهم يجيب أغراضهم .
= أ لحين العجوز وقعت في الفخ .
= نروح للمعرس ألحين :
1- أهجدي في بيت أهلك ولا عاد تطلعين وإذا جا المعرس
يبي يشوفك خلي أبوكي يقول : والله ودي تشوف البنت بدون ما تدري
عشان تاخذ راحتك وأنا عمك وبعد تشوفها على طبيعتها ماتقول غشيتوني
( أيه هين يالشايب والله لو بيدك تحط مكانها باسكال مشعلاني )
2- قبل ما يجي اليوم إلي بيشوفك فيه بحوالي أسبوع أو أكثر
( حسب شين الوجه ) طامري من صالون لصالون صبغ فرد تنظيف بشرة .....إلخ .
3- إذا جا المعرس خلي أخوكي يوقف جنبه عشان ما يطول التبحلق ويبان
المستخبي وذلك تطبيقا للنظريه ( اللمحه ذبحة )
4-في نهاية المشهد خلي أبوكي يقول معليش وأنا عمك ترى البنت شوي
محيوسه ( ماعله يالشايب نتصب على المسكين ) .
وبها اللحظه بينط ويبوس راس الشايب لين يشفط مخه ويقول متى العرس ياعم ؟
( تحذير مهم )
إبتعدي عن أمهات العيال المتعلمات راعيات الشنطه نفس لون الجزمه
هذولا يبيلهم خطط بعيدة المدى .
أرجو من كل البنات الاستمتاع بالخطه ولكم جزيل الشكر .
أبغا اشوف نتائج الخطه يا بنات ووافوني بأخر الاخبار
هههههههههههههههههههههههههههههههههههههههه
خلو بالكم على نفسكم يا شباب .
منقوووووووووووووووووووووووووول
|
 |
رد مع اقتباس
))
المشاركة الأصلية كتبت بواسطة رورو الأموووورة
~
جديد المواضيع 
