أبيك ....وأبيك ,

[أبن أبيه]

..أبيك ..

أبيك تضمني ضمة غلا فيها حنان وشوق
أبي أتوه في نظرة عيونك وأنثر أشواقي

أبي ضمة دفا تروي ضمى في خافقي المحروق
أبيك ولا أبي غيرك غريب يبعثر أوراقي

أبيك إنت تبعثرني وأبيك تلمني برفوق
أبي أحس إنك يالغلا مشتاق لعناقي

أبي تنسى وتنسيني الوله وأنسى هذاك الشوق
وأبي أكون في دنياك أنا العطشان والساقي

وأبيك تضيع فيني ياغلاي وسيد أهل الذوق
وأبي أضيع فيك ياغلاي وكل عشاقي

وأبي أغيب عن دنيا البشر من جد ما أبغى أفوق
وأبي أنام في حضنك أنا والحب وأشواقي

وأبي أكون لك غيمة وتكون إنت رعد وبروق
و مطر يسقي خفوقٍ ضامي للقياك مشتاقي