هديتي لكم بعد العودة من الغياب

[إحساس صادق]

قصيده للامير عبد الرحمن بن مساعد
يسعد صباحك .. يا حبيبي
حالي طيب
كل شي مثل اللي كان
المدامع .. والمواجع ..
والأمان اللي اختفى لحظة غيابك
والليالي اللي مضت .. مثل الليالي اللي مضت
الهم عازف .. والدمع نازف ..
والعمر في غيبتك حاير وخايف
حتى جراحك وسط قلبي مثل ماهي
وفي شفاهي باقيٍ نفس الكلام اللي بقى .. آخر لقا
مثل منتَ يا حبيب الروح شايف
كل شي مثل اللي كان
وحالي طيب
يسعد صباحك .. يا حبيبي

هذا انت
كل ما ضاقتبي الدنيا تغيب ...
وكل ما ضاقتبك الدنيا تجيني
هذا انت
ان كساك الهم صرت أوفى حبيب
وان نساك الهم تتباهى بـ أنيني
مثل منت .. دايم تجي فـ وقتك حبيبي
بعد ما وقتك يروح
يا آخر دموعي وشجوني ..
وأول إحساسي جروح
ما بقالي من عذابي يا حبيبي .. الا انت
وهذا انت يا حبيب الروح شايف ..
كل شي مثل اللي كان
وحالي طيب
يسعد صباحك .. يا حبيبي

هذا ضي الصبح .. او هو بعض نورك ؟!
هذا همس الورد .. او دافي شعورك ؟!
منهو مثلك في غرورك ؟!
جيت متأكد بسامح ..
راسم الطيبة ملامح
ماهو بدري !! ..
انت تدري
ما قتلني غيابك اكثر من حضورك
ايه كان العمر داكن ..
ايه كان الهم ساكن .. وقتي بعدك
بس أنا يا ضيّ عمري ..
كنت عودت الأماكن تألف بعادك وصدك
ياللي ما يرضيني ضعفك ..
ما ادري انثر فوق كتفك أغلى دمعي .. او أردك

ما ادري انثر فوق كتفك أغلى دمعي .. او أردك

ما ادري انثر فوق كتفك أغلى دمعي .. او أردك

ما ادري انثر فوق كتفك أغلى دمعي .. او أردك

رائع هذا الشاعر
رائع جدا جدا

الحبيب عاشق مدوح
أشكرك من كل قلبي على هذا الحضور
وكم افتقدناك كثيرا
نتمنى أن يكون المانع خير

وأشكرك على هديتك الكبيرة

يسعد صباحك
ويسعدنا رجوعك
أخي محمد

[إحساس صادق]

ابو اسماعيل انت الأجمل والأحلى
وانت دائماً أول الحظور
دمت لنا يا ابو اسماعيل

[محناب]

يعطيك الف عافيه عاشق مدوح

[أبو زهير]

سلامات أخي عاشق مدوح

ومشكور على الهدية

[إحساس صادق]

محناب
شكرا لك مرورك والله يعطيك العافية على الملف الصوتي

[إحساس صادق]

ابو زهير
ياراعي تراثنا الجميل
اللله يسلمك من كل شر ويعطيك العافية

[سموالروح]

اختيار موفق
قصيدة جميله فعلا يعطيك الف عافيه

[إحساس صادق]

سمو الروح
شكرا لك على مرورك العذب

[النجم الذهبي@]

يسعد صباحك .. يا عاشق مدوح

عودة جميلة .. وقصيدة رائعة

يسعد صباحك ياحبيبي ...

عودة حميدة