لا تضنينـي بعاجـز فـي قـراري=أو أخاف الليل وحسب له حسـاب
ذي شموسي دايماً تضوي ديـاري=في وجود الأرض تشعلنـي شهـاب
ما عرفتي هي يميني من يسـاري=هاك بعضك وش تشوفي في الضباب
لو فهمتـي ليـه إجنونـك يـداري=ضيم وجدك في مروجك والهضـاب
تنتهي بيـدي وتبـدي بانتصـاري=لو تطولي شمس بيدك هي سـراب
من مزوني ترتوي فيـك البـراري=بي أنـا وتفـوح أنفاسـك طيـاب
وان قدرتـي تهزمينـي باختيـاري=إفهمي فوقـي بلاكـي باضطـراب
وان وصلتي فوق عالي باقتـداري=أجمعـك ديـره وبعثركـي خـراب
وان مشيتي ألف عـامٍ بانتظـاري=تحت ظلّـي واقفـة بيـن التـراب
تسألين الصبح عن آخـر نهـاري=وين عنّك ناظـري بعـد الركـاب
إبـصقيع الموت أخلق لي مساري=أقهـر الدنيـا وروّضهـا صـواب
أخضع العالم لأمري هـو شعـاري=ما تحطّمنـي جيوشـك والصعـاب
|
 |
رد مع اقتباس
المشاركة الأصلية كتبت بواسطة الحلم
