المشاركة الأصلية كتبت بواسطة ابن الجنوب
تلبية لرغبة الأخ العزيز / ولد الجراديه . في طلب قصيدة ( اللي عليه الغنج ) للشاعر / مطلق النومسي .
أرجو من الأخ العزيز قبول هديتي المتواضعة لكلمات القصيدة ورابط تحميلها لمن أراد أن يحفظها ليستمع إليها في أي وقت يريد :
اللي عليه الغنج
اللي عليه الغنج طبق راحتيه
والغنج خصله تحتوي خصايله
دايم مفضحبي وانا ما قول ليه
فضايحه ستر الهموم الجايله
صغير ومدلع ومزيون ونبيه
اخذتلي عامين وانا احايله
جيته رِجِل عاقل معه خافق سفيه
ما لوثه دم الحياة الزايله
انا فدا الغمازتين بوجنتيه
وذبح قلبي وكبر غوايله
والموت لا سولف وعظ بشفتيه
ايقنت بحظوظ العباد المايله
هذا وهو ملقوف وعناده كِريه
ليا ركب راسه وقام يشايله
ليا زعل حتى إتصالي ما يبيه
وليا رضي يزعل على موبايله
وان شافني زعلان والخوف يحديه
تشبْع الجوال من رسايله
بزرٍ قسم وجه الدلع عشرة وجيه
وتعددة على الدلع فضايله
مدلعه جده برغبة والديه
تدليع جد وتختلف وسايله
وانا الضحيه والبزر ماله شبيه
عنده لرفع الضغط قدره هايله
لاشافني مقبل يسلهم ناظريه
سلهام خبث ونيته متحايله
وان قلتله بشويش شب الله عليه
قام يتكسر واسبلة جدايله
وسمعته يتمتم ويشرلي بيديه
والله لطلعلك نجوم القايله
دلوع ما همه وانا مجبور فيه
ومسامحه مهما تكن عمايله
دامه يعرف على اية حال ابيه
وشلون ألومه واتقي حبايله
حفية سباريت القدم منه واليه
ماغير اقبل بيتهم واخايله
وانا علشان اجيه لاحبيت اجيه
صاحبت من شانه جميع العايله
ولمن أراد تحميل القصيدة هذا هو رابطها :
http://alqsed.com//qsed/alnomsy/ally_3leh.rm
مع حبي وتقديري للجميع .
[BLINK]اخوكم / ابن الجنوب .[/BLINK]
رد مع اقتباس
مشاركة: إهداء لولد الجراديه
