الي كل فتاة تبحث عن رفيق العمر زجل من كلمات 00 مخلص
أنا عايز أقولك 00 أنا زي والدك
وخدي مني 00 خبرة سنين
عندي بنات 00 كدة من عمرك
شاغلهم أوي 00 بردو زيك
فتي أحلامهم هيكون مين ؟
خليكي مع العارف ربه
ده اللي ف العوزة تلاقيه
شخص عارف حقه وواجبه
يغير عليكي من أي سفيه
وف غيابك يحفظ عهده
ومن الآخر مطمنة عليه
***
مش مهم يكون غني يعني
ولااا صاحب جاه وسلطة
خدوهم فقرا وربنا يغني
كتير ندموا علي دي الغلطة
وضاعت حياتهم منهم هدر
بعد حبيب القلب م غدر
ويرجعوا يلوموو ع القدر
عجيب والله طبع البشر
***
حبيب العمر اللي هـ تديه
كل حياتك إدرسيه
وكل معاني الدنيا الحلوة
إتأكدي إنها فيه
وإن مكانش متجازفش
ونرجع نقول كنا م نعرفش
يعني ياحلوة باختصار
إنتي اللي ف إيدك القرار
لما بتروحي تشتري فستان
أوتشتري شنطة أو جزمة
بتشكلي للشروة لجان
وتعيشي نفسك ف أزمة
وف قرار جوازك تتسرعي
و م تصدقي وتتسربعي
وكأنه قرار تافه وبسيط
ولا يحتاج فحص وتظبيط
***
أرجوكي تاخدي رأي الكبار
وكل اللي شايفاه عنده خبرة
أمك وأبوكي وأختك وأخوكي
يمكن يكونوا همااا الادري
وأهم حاجة إياكي تنسي
تستخيري رب القدرة
******************
من خواطر : مخلص
رد مع اقتباس
~
