اهداء خاص لقلبها وطن من السموه....

[السموه]

تجين نشاور أهداب السحاب اللي جلس يرتاح
وش أحلا لون فص الشمس وإلا لون وجناتك

تجـين نعـلّم التوت المشي ونـزخـرف التفاح
ونشـرح بالكـرز والثلج كيف تسيل ضحكاتك

تجـين نجدّل خيوط الشعاع ونكسـر المصباح
ونشـعل في حنـايا العمر نور زهور خطواتك

تجـين نقـفّـل أبـواب الفـراق ونبلع المفتاح
بعد مانسـترد اللي من أحلام الوصل فـاتك

تجـين نحـارب الدنيـا ومن فيها بدون سلاح
أنا بالحب وإنتي بالجـمال وسـحـر نظـراتك

تجـين بفالنا الطيب نقوّم حظنا لو طاح
ونربـط في جناحين الأمل شـرطان هقواتك

تجـين نغمض عـيون القلوب ونتبع الأرواح
وأراهن شـمسـك أني لأزور أبعـد مـداراتك

تجـين نصارح القمرى بنور ظلالك الوضـاح
ونكشـف للسـحاب ان البروق اسـباب لفتاتك

تجين نسـابق أنـوار الفنـار لنظـرة الملاح
ونكتب للـسـفر مافـيك لـّذه غـير آهـاتك

تجين أبدل الباقي بعـمري عـمرك اللي راح
وأكـون أول حـبيب ٍ في نهـايـاته بدايـاتك

تجين نعد كم نجم ٍ تعثر في سناك وطاح
وكم بـدر ٍ تمـنى لو قبـالـه مثل تقـفـاتك

وتجين نشاور أهداب السحاب اللي عجز يرتاح
يحسب الصبح نور الشمس وهو ظلال وجناتك

[قلبها وطن]

أكيد صار لك في عمري غلا واشياء مكنونه
وحب صادق يكبر بقلبي ويدفق في شرايينه
اسميك الوداد اللي عجز قلبي وأيامه
يدور في دروب الناس عجز ونفض إيدينه
خويت درب عمري وعهدي حبك أصونه
رفيقة درب صديقة عمر واحب اللي تحبينه
انا اشعلت لك بالقلب شموع حيل مفتونه
تضوي دربنا اللي جمعنا وبالصدق ما شينه


سامحيني على القصور على هذي الشخبطات من خبالي بس تراها صدق

[قلبها وطن]

فديتك ياهوى نفسي مع الشدات خاويني

فديتك لاقسىوقتي علي وناحت أشجاني

أبيك في لحظة الفزعه تحط يديك بيديني

وأبيك لياشكيت الياس تكون بساحة أوطاني

أبيك البلسم لجرحي وأبيك النوم في عيني

وأبيك اللي ليامني صحيت ألقاه بأحضاني

طلبتك يابعد ذاتي أماااااااااانه لاتخليني

تراني لورحلت أبقى ضحية كيد عدواني
سألتك بالله الواااالي سألتك لاتجافيني

لأني أمووووت بغيابك ياروحي وجثماني
معي واصل مشاويرك أواسيك وتواسيني

معي إبقى مثل ظلي حذااااري لاتعداني
أبي منك الوعد إنك على غيري تبديني

وأنا هذا وعد مني ماأبيعك وأشريالثاني
وإذا بلسانك الصادق نطقت وقلت تغليني

أنا بأعلن خبرعاااااجل تعالوا إقروا إعلاني
أبكتب داخل الإعلان إلى من صار يغليني

إلى قلبي إلى عمري إلى من صار يهواني
إليك أهدي نغم شعري وكل عرق نبض فيني

وإليك أهدي شذى عطري وياسميني وريحاني
وأبكتب داخل الإعلان وصيه كان شاريني

معي بالطيب عاملني ولاتجرح بهجراني
ومهما تقسي الدنيا علينالاتعاديني

ولاتسعى أبد في يوم في عندي وعصياني
أبيك دكتور لآلامي من أحزاني تداويني

وأبي لاكفت أبصاري تكون النورلأعياني

وأبي لافاضت أنفاسي تكون أول معزيني

وأبيك بيدينك الثنتين تلف الجسم بأكفاني
وبعد ماأكون في قبري تذكرني وتبكيني

وأكون حزن على بالك ماتغفل وتنساني
أبي لاقالوا العذال وش اللي بينك وبيني؟

تبسم وتدمع عيونك من الحسره وفقداني
وتجاوبهم إني حي وبالأضلاع تخفيني

وإني سلوة الخاطر معك لاصرت وحداني
أبيك تقول هو مامات أحاكيه ويحاكيني

أبيك تقول هو موجود وخبيته بوجداني
أبيك تقول هو دمي اللي في شراييني

لأنك دمي اللي كان يضخه عرق شرياني
وأبي لازادتجراحك تخيلني وتناديني

وتفتش داخل شعورك وتهمس لي وتلقاني
وإذاطال السفر إقرا كتاباتي ودواويني

وقل ياكثر ماخلي كتب لي شعروأهداني
ترى لو للقصيد عيووون والله ماتقديني

لأني للقصيد عيون وإسمك رمز ديواني
وترى لو للحروف أهداب تعجزلاتغطيني

لأني للحروف إيحاء ووحيك سر لإذعاني

تداركت الزمن يمك الا ياليت يمديني

أخاف أجيك متأخر وسيف الوقت ياطاني
نسيت من أجلك الصادق اللي الروح يعطيني

ونسيت الأول والآخر والقاصي مع الداني
وجاري المسح للباقي وأنت اللي تكفيني

حرام أحط معك غيرك وأحبك وأظلم الثاني
كفايه أنت في دنياي أمل باقي يسليني

أمل صوته إذا ضاع الأمل ألقاه بأركاني
كفايه همسك الحاني إذا جاني يدفيني

ويبددوحشة ظروفي وتشرق فرحة أكواني
تراك بعالمي شمعه تبدد ظلمة سنيني

وتراك بدنيتي دنيا لها لون وشكل ثاني
ودنيا" مابها حسك ماأبيها وعمرنا فاني:

أنا سميتك الدنيا وأنته وش تسميني؟

[السموه]

أكيد صار لك في عمري غلا واشياء مكنونه

وحب صادق يكبر بقلبي ويدفق في شرايينه
اسميك الوداد اللي عجز قلبي وأيامه
يدور في دروب الناس عجز ونفض إيدينه
خويت درب عمري وعهدي حبك أصونه
رفيقة درب صديقة عمر واحب اللي تحبينه
انا اشعلت لك بالقلب شموع حيل مفتونه
تضوي دربنا اللي جمعنا وبالصدق ما شينه


سامحيني على القصور على هذي الشخبطات من خبالي بس تراها صدق

واجمل في الاخوه والحب الصدق فمن صدق مع قلبه صدقت مشاعره وانطلق بها لسانه وعقله










(يامؤمن الريفي )انا جيتك زبـــــون..
.. جيتك على مدح اكثر الناس وعنيت

جيت وتعالى الله عمّا يشركـــــون..
.. لولاه (يامؤمن) لطبك ما اهتديت

راضي بحكم الله علي مهما يكون..
.. عالج عيوني لو بعد طبك عميت

ودي اخاشر فالبصر من يبصرون..
.. واشوف دربي لا سرحت ولا ضويت

والى قنصت اثبت مع اللي يثبتون..
.. واشوف طيري كل ما اوميت ودعيت

ياااكثر ما يضرب خويي (الطابلون)..
.. من كثر ما اكلّته مطباات وكليت

وودي اشوف اللي علي يعرضون..
.. وبعض الليالي ودي اسري دون ليت

وااشوف ناس ٍ فالقفا ما يرحمون..
.. اما وقفت لصاحبي والا مشيت

من دون نظاره ولا هم يحزنون..
.. يااا كثر ما كسّرت كشمات وشريت

لكنٌ يا دكتور جعلك ما تهون..
.. ابغيك كلمت راس دامك ما بديت

اسمع......ولا ابغي اللي وزانك يسمعون..
.. ربي كتب يكشف لك اسراري وجيت

صورة عديل الروح عندك فالعيون..
.. واخاف تقطعها بموسك ما وعيت

ولا عليك امر..اطوها تحت الجفون..
.. وعقبه لو تقطع عيوني ما شكيت

هي راس مالي والعرب ما يدركون..
.. اني على باب الممات و ما حكيت

ياقو قلبي يوم قفن الضعون..
.. اللي على ذاك الموادع ما بكيت

ويا صبر صبري والعواذل يحسبون..
.. اني دلهت من الهوى والا سليت

اسكت عساهم من سكاتي يسكتون..
.. وانا عن اللي في ضميري ما انتهيت

وادور الفرحه مع اللي يسهرون..
.. وان ذكروني خذت فنجال وسريت

اخذت من وقتك يا دكتور العيون..
.. عالج عيوني لو بعد طبك عميت

واستر علي واللي معك لا يفطنون..
.. انت الوحيد اللي بعد ربي دريت

[السموه]

محتاج لك

محتاج لك بأدفّـي يدينـي مـن ملامـس يديـك

هالثانيه بالضبـط مـا أظـن الشعـور يفوتهـا

عندي قصيده ودّها من خالص إحساسـي تجيـك

حتى معانيهـا تبـي تاصلـك .. قبـل بيوتهـا

قصيـدةٍ يرجـع سبـب تركيبهـا منّـك وإليـك

وانت تعرفهـا مـن ملامحهـا وبحّـة صوتهـا

ياللي بديتك شوق كيف أشـواق قلبـي تنتهيـك

وأحـلام عمـري لا فقدتـك ترجـع لتابوتـهـا

إي والله أحبّك ولا زلت أعشق وصالـك وأبيـك

وفي خاطري لك هيبة ملـوك العـرب ببشوتهـا

لا جيت أبشكي لك رجعت وقلت وشلون أشتكيك !

وأسكت لو إن جروح قلبي مـا تطيـق سكوتهـا

كم لي وأنا أنادي عليك آمال عمـري وأحتريـك

وكم لك تجيب أعذار من زرق البحـور وحوتهـا

مع كل هذا .. والله إنـي مشتريـك وبأشتريـك

وأحسد عليك أهـل الريـاض وجوّهـا وبيوتهـا

لا تكثر ظنوني عليّ .. وتكثـر ظنونـك عليـك

نفسي فراقك ضيـم حالتهـا .. وقربـك قوتهـا

أموت لك \ أموت منك \ أموت معك \ أموت فيك

ضع خط .. تحت الموته اللي تعجبـك وأموتهـا

[H أحبك H]

الله يديم هالمحبه,,

بالتوفيق

[قلبها وطن]

خذني غلا يا أصدق غلا بالوقت الأول والأخير

أبغاك تدرس حالتي أول وأنا أدرس حالتك

حنا نفس واحد وروح وقلب وعيون وضمير

عدالتي ظلمك وظلمي منتهى عدالتك

يا بدري الطلّة ويا طلّتك يا البدر المنير

ترى خسوف القمر بشارة وصول إطلالتك

وإطلالتك عندي أنا تعني لي الشي الكثير

لا صارت عيوني على خدك سحآب وسالتك

أوقف وأسميك الملك وشوي أسميك الأمير

أخاف من سطوة سموّك وأحترم جلالتك

حبك كبير وبالمقابل قدرك بقلبي كبير

إحساسي بمحبتك وإحساسي بصداقتك

لا يضيق لك خاطر فديتك لو يصير اللي يصير

إن كان ما شالتك الأرض رموش عيني شالتك

يا أترف مشاعر بالبشر يا أرق من لمس الحرير

ساعة زمن ممشاك من غرفتك حتي صالتك

يا علّني فدوتك من راسك إلى إصبعك الصغير

يا كبر بختي يوم ناولتك يدي ونآلتك

يا أصدق غلا وأعذب غلا بالوقت الأول والاخير

هذي خلاصة حالتي عطني خلاصة حالتك

[قلبها وطن]

[قلبها وطن]

[قلبها وطن]

[قلبها وطن]

اشتقت لك ~
يابعد دنيا غدت عقبك بدون / ـألوان }
اشتقت لك ~
يـ أطيـب بشر }
اشتقت لك ~
ياصافي النيّـة }
اشتقت لك ~
يصرخ بهـا لسـاني بصوت منتهي / ولهان }
يرددها بكل شع ـور ..
اشتقت لك ~
للمرة المليون { 1000000 ..
اشتقت لك ~

[السموه]

اقتباس:المشاركة الأصلية كتبت بواسطة قلبها وطن

السلام عليكم ورحمة الله وبركاته

حي الله اللي يغيب ويسرع الرده اللي يجيني الى منه تباطاني

ياصاحبي جارك الله ويش هالصده ماهوب حق تولعني وتنساني

وان كان منته مخاويني على الشده وقت الرخا واجد ربعي وخلاني

ترى حلاة الهوى لاطالت المده ماهب يوم رفيق ويوم قوماني

اهرج على ما تورى والبخت بده لاتستحي يابعد حي وحياني

اختي العزيزه قلبها عذرا منك فقط لتخليدها هنا

[السموه]

هلا باللي اذا أقبل يثور بداخلي ... بركااااان

حمم حب وحمم عشق وحمم شوق وحمم ..غيرة

كبير بالحشا قدره .. وفي عيني.. رفيع الشان

ملكني بطيبة وذوقه وكلامه ... وحسن تعبيرة

أذا بكتب ..غصب عني .. تطوعني له القيفان !!

تعاندني ..تحسب اني ... رئيس الشعر .. ومديره !!

واذا قررت أنا أقضي حوايج قلبي.... بالكتمان

تنرفز كل مابي وانفضح وجهي .... بتعابيره

بقول بكل لغات العشق .. أحبك كلها ...ألوان

أحبك لو تقيس الأرض تلقى (أحبك) ... كبيره

أحبك تسري بجسمي مسرى الدم بالشريان

أحبك زود مايحبك هلك والناس .... والديره

أحبك قصر بايديني بنيته بالحشا.... بنيان

وأسسته من أشواقي بأساس ...صعب تدميره

تمنى اطلب اتدلل ....ولايردك ماغير ... لسان

مدامك بس لو تقبل ... تهز بركاني ....وتثيره

[السموه]

[قلبها وطن]

انت صديق الروح لا يمكن انساك
ولو نسيتك فاعتبرها مصيبه
انسى حياتي كلها وانت منساك
لا تحسب ابن الاصل ينسى حبيبه
المال يرخص عندنا وانت مغلاك
من يهجر الاحباب ربك حسيـبه

ஐ˚◦ ๑ ◦˚ஐ


ماني من اللي لا مشى الدهر ينساك
ولااااني من اللي عاشروك لمصالح
ولاااني من اللي لا بغا شيء حياك
أنا من اللي يقدمون النصـــايح
لا خانتك الدنـيا والكل خـــلاك
تلقى حبيب" صــادق " عند بابك .


ஐ˚◦ ๑ ◦˚ஐ



اذا طلعلك قلب وعرفت تشتاق
تعال دورني بتلقاني مكاني
ما اقساك ياا خلي وياا حبك للفراق
تذكر متى آخر مسج من حضرتك جاني ؟؟؟


ஐ˚◦ ๑ ◦˚ஐ

أنا وقلبي والزمن والمعاناة
مدري نخون الحب ولا نصونه
لو كل منا ياخذ اللي تمناه
أبي <......> وانتم خذوا اللي تبونه
خلوني أعيش سجه الحب وياه
يقبل طعـــوني وأقبل طعـــونه


ஐ˚◦ ๑ ◦˚ஐ


تحمــــــــــــــلوني لو حصل مني تقصير
أهم شيء ان الغلا دوم باقي
ليت القلوب لها فحوص وتقارير
وأرسل لكم كشف الغلا واشتياقي


ஐ˚◦ ๑ ◦˚ஐ

ان كان نور عيني ما يساوي غلاك
اشهد اني بخيل فيما عطيت
وش تبي آمر تدلل يا بعد هذا وذاك
تبي قلبي ؟ تبي كلي ؟ قلي وش بغيت ..؟
تبي روحي لجل تتهنى وتضحك شفاك
اذا يرضيك خذها ..!! بس قووول اني وفيت


ஐ˚◦ ๑ ◦˚ஐ

[السموه]

هلايابعد روحي ومن لي(=) وكل له خليله وانت خلي..

هلا في شوفتك ياروح روحي (=)هلاياراحة عيوني وظلي..


اذا شفتك تفيض بحور حبي(=)وفي بحرك اذوب بشوق كلي..

اخذني روح ماتفرح بدونك(=)وعمر في ظلالك..مستظلي..

واخذني بسمة تفرح بعينك (=)وقلب جاك راضي مسفهلي..

واخذني ليلة بين الليالي (=)ضياها نور وجهك يوم ضلي..

وجودك في حياتي شي ثاني (=)غرام وليل واشواق وتغلي..

يفز القلب في شوفك واغني(=)"هلا باللي له الخافق يهلي.."

هلا بك يابعد عمري ومن لي (=)وكل له خليله وانت خلي

[قلبها وطن]

ما قلت أحبك

ما قلت أحبك ولا قد قلت ما أحبك
احب مالي عيوني وانت تسواها
لوتدري وش تعني لي تعرف أنك
آخر أمل في حياتي واول مناها
يا كثر أحس ان بك مني وبي منك
روح قسمها على شخصين مولاها
لاتقول شتحب فيني اعشقك كلك
من ليل شعرك لشمسك وآخر اقصاها
سميتني نصفك الثاني ويا شحك
أنا بسميك كلي وانت معناها
تعبت اوديك له يا قلب ويرجعلك
لاخذ حلومي ولا خلاني أنساها
كل الحمام استراح وناح في ظلك
والورد الاصفر سقته الروح من ماها
ليتك بعمري ثلاث اشخاص ما ملك
واحد معي دوم واحد روحي يملاها
والثالث بجفن عيني لافقد حسك
أو غمض الجفن جاني فيك يتباها
مو بس أحبك أنا والله من حبك
أحب حتى ثرى الأرض اللي تطاها

[السموه]

يبكي الصوت و النظرات تشكي
و المعاني ولو صاحت حبيسه

يصمت الليل و التنهيد يحكي
و المعاليق في قلبي يبيسه

يا حبيبه سألت الليل انا عنك
و كل نجم فقد مثلي أنيسه

هل دمعي و قام الليل يبكي
و القمر نشّ من فرقى جليسه

ويل من شالته موجة بحرك
ليتني ما نزلت الشط أقيسه

لو لمستي البحير بأطراف يدك
من حلالك غدا طعمه مريسه

للهوى حس اذا لامس زهرك
ينعش القلب اذا جاني حسيسه

[السموه]

على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني

تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني

لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني

صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني

عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني

رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني

تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني

وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني

ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني

أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني

زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني

غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني

إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني

سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني

عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني

وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني

أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني

ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني

[قلبها وطن]

http://www.rofof.com/10n5d6b0/Mn_ylwm.html