وأبتسِم ..!

رغم بعدك والغياب
ورغم قسوة هالعتاب
واللي فات من العذاب
ورغم كل اللي حصل بينك وبيني

وأبتسِم ..!

من بعيييد وبالي والله
منشغل دايم عليك
والحياة وش هي الحياة
دون لمسة من يديك
بس ولكن خنتني بكلمة تبيني

وأبتسِم ..!

ليه .. مِن هي .. ومِن تكون
ومين أنا بالنسبة لك
بعد ماحطّيتك بوسط العيون
قلّي تكفى قبل ما يبلى وتيني

وأبتسِم ..!

وانت تنهي بهالسهولة أحلى قصّة
وانمحت فيني الغصص إلا غصّة
باقيه شقّت خفوقي حتى نصّه
ونصّه الثاني ينازع من أنيني

وأبتسِم ..!

وانت تحضن بيدك اليُمنى التهاني
ثُمْ سكت هالكون كله والأغاني
ومن نحرت بساحتي أغلى الأماني
عظّم الله فيني أجري ياضنيني

وأبتسِم !!!


لهفة