انواع ميني سندويش .. !!
اول شي لهم كلهم تحتاجين سلايس برد وعجينه
فولفون (السنبله) الباف بستري اللي صايره مضلعه
اول شييء
اخبزي الفولفون خاليه في الفرن وشيلي التجويف الوسطي
والسلايس برد له طريقتين
قطعي دوائر اربعه
غطيها بفوطه وخليها عشان ماتنشف
ونشتغل بالطريقه الثانيه
شيلي الاطراف و رقي السلايس
خلي مجموعه من اللي رققتيهم على جنب وغطيهم بفوطه
والباقي
قطعيهم ارباع
الان نجهز الحشوات ونشتغل
الفولفون
حشيته ربيان
اسلقي ربيان وقطعي بصل صغير جدا وفلفل اخضر
صغير جدا واحمسي وبهريه عشان ماتطلع ريحه الربيان
اخلطي الكاتشاب مع المايونيز
احشي الفولفون بالخليط
صفيه في صينيه التقديم وتعالي نجهز الثاني
ثانيا
رول الدجاج بالجبنه
جهزي الحشوه
صدور دجاج مسلوقه ومبهره ومقطعه
ضيفي عليها جبن شيدر مبشور وجبن كرفت
قلاسات وملعقتين قشطه وشويه ملح وفلفل
خذي من قطع السلايس اللي قطعتيهم ارباع
حطي الحشوه في طرف
ولفيها رول واضغي عليها شوي وانتي تلفين
حطيها باخر طرف شويه حليب (عشان تمسك)
قطعي بصل اخضر اعواد
وبعدين ارجعي قطعي اضعف شوي
اربطي اعواد البصل حول رول الدجاج وقصي الزايد
صفيهم في صينيه التقديم وتعالي كملي الثالث
ثالثا
لبنه بالطماطم والفلفل
امسحي قطعه دائريه من السلايس باللبنه
حطي على وجهه طماطم مقطع صغير وشيلي البذور منها
عشان ماتطلع ماي مع فلفل اخضر وزيتزن اسود
ورشي وجهها بشويه سماق
صفيها في صينيه التقديم وتعالي جهزي الرابع
رابعا
جبنه بالنعناع
اخلطي جبنه فينتا مع نعناع
حطيها بقمع تزيين الكريما وحطيها فوق دائره السلايس
صفيها في الصينيه وتعالي نكمل الخامس
خامسا
السلمون مع الكافيار
سلمون تقطعينه شرايح بالطول .....بالعرض
ماراح يتقطع معك لانه فيه انسجه
ادهني دائره باللبنه
حطي قطعه من السلمون ملفوفه على قطعه السلايس
وحطي بوسطها كافيار
سادسا
لفائف التيركي بالجبنه
تيركي او دجاج او مرتديلا او اللي تحبينه من اللحوم البارده
خذي قطعه من السلايس اللي ماتقطعت اللي بس
فردناها وتركناها يعني القطعه الكبيره
امسحيها بشويه زبده
حطي اوراق الخس بعد ماتقطعينها وتشيلين منها القطعه الجامده
حطي عليها قطعه التيركي
حطي عليها جبنه مبشوره
واذا في زوائد شيلها
لفيها من الجهه العريضه
وصفيها وهي واقفه
والان اخر خطوه
جمعي كل سندويتشاتك وضعيها بصينيه التقديم وقدميه لضيوفك
|
 |
~
رد مع اقتباس