نويت أرحل
نويت أرحل
نويت أرحل عنك ياغالي شهر وشهــــــــــــور
عسى في بعادي عن دنياك من بالك تقربنــــي
ولكن قبل ما ابعد عنك وخاطري مكســـــــــور
أبي أسألك عن شي وأتمنى تجـــــاوبنــــــــــي
أبي أسأل وجاوبني لو إنك بالجواب مجبــــور
أنا شسويت في دنياك ولجله حيل تعذبنــــــــي
وأنا شذنبي دموعي منك كل ليلة تسيل بحور
تقطع قلبي المجروح وإنت بقسوة تذبحنـــــــي
تكلم بس لاتنسى الصراحة راحة المحســــور
وقول الحق على نفسك لاتظلمها وتظلمنـــــي
وصارحني لوبخاطرك تجاهي من الفراق شعور
حتى ألملم جـــــروحي قبل تكبر وتقتلنـــــــي
ولاتفكر في يوم أنساك لو أدفن بسبع قبـــــور
لأنك كنت فيني روح بحياة وموت تسكنــــــــي
وفيني شيء ما أقدر يظل بخاطري مأســــور
بإنك كنت مجنوني ولكن كنت تظلمنــــــــــي
وتذكر دوم في بالك إن ظلمك عليك يـــــدور
ولاتنسى إن عدل الله في يوم منك ينصفنـــــــي
محبتكم ( صدق الشعور)
|
 |
رد مع اقتباس