كرهت معنى الهوى من كثرة اعذارك
اعاني اجروح وانته ماتعانيها
تضحك تسولف ولا ادري وش هي اخبارك
تقول احبك ولا ادري عن معانيها
عطشان ولغيرنا هماله امطارك
واحسبك ترفق بروحن كنت راويها
ان كان ودك تفارق فارسل اخطارك
دنياي بعدك تصافق بي بلاويها
قبل المفارق بمزق كامل اشعارك
كرهت شكل القصيدة مع قوافيها
وارجوك تمسح بقايا اسمي من افكارك
واكتب بداله حزين الروح شاقيها
وصورتي لاتجي يومن في انظارك
حطم براويزها دام انت شانيها
وانا بخبيك في قلبي مع اسرارك
اقسمت ياروح عزتني ما اعاديها
ادري بعاني واضم الجمر من نارك
والنار ماتحرق الا رجل واطيها