وين الزمان اللي عطا قوة الباس
لاهل المروة والكرم والشجاعة
اللي لهم بالطيب والعز نوماس
أهل الحكايم والعرف والفراسة
راحوا وخلوا من ورا باسهم ناس
تفرح بضحكات الكذب واللكاعة
ناس على رتم الدلع تشرب الكاس
تحسب ورا مشرابهم من مناعة
ماهم من اللي يحكمه يالبشر ساس
ولاهم من اللي نرتجي من شفاعة
يعزم على بيت العرب يحسبه راس
ويبعد على بيته يخاف الجفاعة
سلم على اللي يحسب العز مقياس
اللي يشوف إن الكرم به متاعه
فنجاله الكايف محا كل معماس
ومدة كفوفه توهب الحب طاعة
دايم شعوره للبشر حيل حساس
ودايم على صوت المعالي سماعه
مثله على روس البشر راس نبراس
يحمل بقلبه من علومه بضاعه
مافيه من طبع الخديعة والانجاس
دايم على نور البشر يقوى شعاعه
وجدي على اللي قال للساس أقواس
قال القصيد اللي يهيب بيراعه
ترى الرجال أشكال وألوان وأجناس
وكلن على قده ينوش الرفاعة
ماهي غريبة لو طلع ذيب نواس
مادام من صغره رضعها رضاعه
|
 |
رد مع اقتباس