تابعوا طفلة التسلق ومحبة التوفي وخدود البنات

[أبو نوف]

مابا اقول
يالله ذا اعترافي الطفولي فديت قلبي هههههههههههههههههه
000000000000000000000000000000000000000

نبدا بالاسئله ..
1/ إيش كآنت لعبتك المفضلـه وأنت صغيره ؟
الكوره مع اخواني بالشارع
وتسلق الجدران
2/ نشيد كنت /ي تحبه وانت صغير ؟
الله رب الخلق .. أمدنا بالرزقِ

3/شخصيه كرتونيه كنت/ي تحبها وانت صغير ؟
ييي من عشاق افلام الكرتون من كثر ماابلط قدام التلفزيون
ماعاد شفت
توم وجيري .. الليدي .. سالي .. النسر الذهبي
بيج بانثر


4/كيف كانت طفولتك : شقاوه ولا ادب ؟

قمة الشقاااوه ( تربية عيال )
5/ماهي المواقف اللي عرضت فيها اهلك لاحراج ؟
والله كثير ... من شطانتي كل مواقفي محرجه استحي اقول
6/هل كانت شخصيتك قويه ولا مغلوب على امرك ؟
قويه بالتمثيل بس يعنني
ولا انا صياحه
7/موقف حصل بطفولتك وكان له دور بتغيير مجرى حياتك ؟
تهاوشت مع ولد الجيران يتيم ابوي مربيه وكنت مستقويه عليه
وضربته وشكى لامي وضربتني بوح كرتون الطماطم ايامها
وبعدها تغير مجرى حياتي من الشارع للبيت
صرت انثى
8/اكبر عيديه جمعتها / ومن مين ؟
تصدقون العيديه ذي مااعرفها لاني يومي صغيره اعرف ارسم نقش الحنا كنت مبدعه
وانقش لبنات الحاره قبل العيد بعشره ريال
صرت تاجره من وراء امي
9/يوم كنت/ي صغير/ه وش كانت تسريحتك المفضله ؟
مابه تسريحه مابه الا قرنين وان تطورنا قرن واحد
10/ من كان يدلعك اكثر ابوك ولا امك ولاجدك ولا جدتك ؟

مابه ذاك الدلع
يعني ابوي اكثر شيئ يدلعنا لبى عمره
11/اسم دلعك اللي كانوا ينادونه بك وانت صغير ؟ ولا عيارتك
هي عياره بس الا عيارات
12/بطفولتك : كنت تبكي اذا ماصفيت الاول بالطابور ولا بالفصل ؟
امحق كنت اظطر اتاخر علشان اجي بالاخير
اخاف اصير الاولى
13/هل عندك/ي لعبه محتفظ بها لحد الان من صغرك ؟ ولو عندك : ممكن صوره ؟
كانت عندي كثير بس نقلنا من بيتنا القديمه وامي رمتهم
14: ايش اكثر حلاوه كنت تحبها ؟
خدود البنات اللي مايعرفها ( مارشملوز )
وحلاوة البقر .. وحلاوة التوفي
15/هل كنت تعاني وانت صغير من مخارج الحروف

اممممم حرف الراء مايخارج معي مثل دلال
للحين يقولون حرف الراء عندك به عوجه
16/موقف بطفولتك ماتنسااه ؟ وليه ؟
كنت العب مع اختي اصغر مني
واقول لها الا اشيلك وهي ترفض باسوي نفسي قويه
واشيلها وتطيح على الباب وينفلع راسها
17/ اجمل رحله طلعت/ي فيها وانت صغير؟
ماأنساهارحلة للبر علشان امي تبي تسلم على جدي
وهي رايح بابله للعراق ايام زمان
كانت ماساه وخوووف ومدري كيف
مااحب اتذكرها
18/ مكان معلق بذاكرتك من طفولتك ماهو؟
بيتنا القديم .. كل زاويه وركن فيه لي به ذكرى لاتنسى
19/مين اقرب صديق لك بطفولتك ؟( بنت ولا ولد )
اولاد اخواني وعيال حارتنا
20/ مساحه طفوليه لك لك ان تقول ماتريد ؟
رغم ان الطفوله تحمل معاني كثيره خليط بين الالم والامل
الفرح والحزن
تمر علينا معاني احيان لانفهمها
لكن يبقى لها نكهتها وميزتها وطهرها ونقاوتها
ايام ماتنسى صراحه
صح كنت شقيه جدااا
لكن سبحان الله
\\

قلب اثاريك منتي بسهله .. فتوة الحارة هاا