أكتب لعشاق الشعر ، واللي عشقته ماقرا
ياخيبة احلام القصيد اليا انكسر مقصودها..

أخذت معطف للشتا ، والبرد بعظامي سرا
وين الدفا والبرد يسكن ف العروق جمودها..

تبي الحقيقة منت داري واللي مايدري درا
شافوك بعيوني حلم، وقروا هواك بسودها..

ضجيج حبك اسمع العالم، وعندك ماطرا
يابن الحلال انت الجبال الجامدة جلمودها؟!..

لاتقول ماجاك الخبر ، ولاعرفت اللي جرا
باكر تجيك اخباري وناعي وفاتي يقودها..

بموت سبت جرحك اللي من سنينٍ مابرا
وانت اطلق حجاجك ، فديتك لايجي معقودها..

مادمت احبك بشتري لرضاك شيٍ ماشرا
لوهي جيوش الموت ماهزت حشاي رعودها..



بوح قلمي
أفردتها في موضوع لعيونك ياسلمى نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي