الله من زودِ القلق والتفاكير=ماكنِّ في الدنيا خفوقن سوايا
تلعب بي الدنيا ودهمَ المقادير=ياسعدِ من كانت حظوظه مطايا
خيلَ المنايا يسبقَ الكلِّ باالسير=وأنا صباحي شاردن من مسايا
أبني على بكره وبكره عسى خير=وأصبح على كثر الأماني سرايا
راحت سنيني همِّ من يومي صغير=والهمِّ مدهاله ضلوعن حنايا
جزلات فكري واقفاتن طوابير=والشوقِ يمنحها جميل الحلايا
لبَّستهن لبس العذارى القوارير=أسَّارةَ الألباب تلقى البرايا
لابحرِ مسقيها جزاله ولابير=من جور مابي تستهلَّ العطايا
أبيات شعرن يتعبنَّ الصقاقير=لا رفرفت ترقى نجومن علايا
لا نقضِ يلحقها ولا سالم الزير=تنثر على الأطلال كثر الضحايا
هذا جزيل الشكرِ يانافخ الكير=لا بدِّ من يومن تبانَ الخبايا
ولاَّ هلا الأطيابِ تلقى التقادير=تلقى ردودَ القلبِ فيهم مرايا
أهلَ الكرم وأهل الوفا والمجامير=وأهلَ الوجيهَ الباينه في سمايا
مادامِ شاربها يقصَّ المسامير=ماتختلط لحيانها باالخطايا
يرقونِ عن فعل الخطى والمحاذير=لو كانت نفوسَ الخلايق سبايا
الفرق ببيوتَ النحل والدبابير=الفرقِ مابينَ الشفى والبلايا