~ الله يهدي من يشرب ~

[ريحااانة]

	تعال يالمدخن أبغاك بكلمة راس واسمع مني وانا أختك يا أنت ياللي تمسك الموت بيديك .. ما هي رجولة مسكتك للسجاره!. ذاك الزفيراللي يودعك بيجيك // في شهقة (ن) تحمل معاها غباره ~ تولع الدخان حتــــــــــى يطفيكـ .. وبيني و بينك في سلوكك نعاره .. تضر نفسك و مجالسينك و أهاليك و يكفي على ( الباكيت ) تقرأ عباره ~ تحذير صحي : المرض منه يأتيكـ !! و كانك تريد الموت خذها بجداره .. و يا بنت مسكتك المعسل تخليك شينه و تبعد بك عن أرض الطهاره .. و إن كان ربي حط بحشاك غاليك .. مات و تسمم قبل يطلع لداره .. و الله ما تلقى بن آدم يواسيك .. لا صار ( للكنسر ) في صدرك إماره .. لا تحسب علاج الأطبه يداويك~ أقلع قبل لا تذوق طعم المراره تشفط سجاره و المنادي يناديك .. و في باب بيت الله تطفي السجاره .. بتسعة ريال تبيع نفسك لشاريك .. الهندي اللي كل همه تجاره .. و لا شح عندك تسأل الناس تعطيكـ .. تتوسله يأذيك .. هذي شطاره.. ؟! من قال لك شرب السجاير يسليكـ .. بيزيد همك هم و يقيد ناره .. ما تدري إنه نار في الصدر تكويك ؟! و كم شايب(ن) في الناس تذهب وقاره ~