حسن الطبايع
الحــــرف يخسى كان ماجــاك طايع
لأجلك يصوغ الحــرف أسمى معانيه
هو ينحنـــي لأجلك في كل الوقـايع
يبصم لك بعشـــرٍ من الفــن راعيه
إنتِ الوفـــــا وإنتِ العطا والبدايع
وإنتِ الجمــــال الساحر بكل مافيه
إنتِ الورود الساحـــره والروايــــع
وإنتِ الخزامى وعطرها من يضاهيه
الطيب أصـل وأصلك بالطيب ذايـع
لله در الطيب بـــالطيب نسقيــــه
ياوجهـة الإبــــــداع ياحــرف رايع
من مـــر حــــوله لازم إنـه يحييه
بأقول كلمه وبصمه لحسن الطبايع
هي بصمةٍ تبقــــى مامــر طاريه
دونك ترى الإبــــداع بيصير ضايع
لأنك هنا معناه وإنتِ اللي تحييه
عبده حكمي
|
 |
رد مع اقتباس