ماجد بن خرصان ~ ليل العنا

[عبده حكمي]

ليل العنا



اَكتب على ظهر الفرح "ليش قفيت!"
واَكتب على وجه الحزن "ويش جابك!"
ياليل .. ياليل العنا ...ويش سويت؟
طالبك . . . تعتق خاطـري من عذابك
الـى مِتـى ؟؟ وانـا اجـر التناهيـت
والى مِتى ؟؟ والنفـس ترجـي غيابك
خذيت مني فرحتي . . بس خليت !
دمع وخواطر حزن . . . وايد تترابك
اضيق لكن . . .لا تضايقت خفيّت
ضيقات صدري . . والبيوت تتحابك
افرح واغني فرحتي وين ماجيت
ومن شافني يقول . . سِعد اللقا بك
لو العرب تقرا الخفايا . . .تخليت
عن ناس تفرح طيحتك ..والشقا بك
ولولا الشقى ياحظ.. ماكان غنيت
ياضيقتي . . . وانا ورى قفل بابك



ماجد بن خرصان

هنا بحرٌ من الإبداع لا شاطئ له
قصيدة تعزف على وتر القلوب
فلا فض فوك أيها الشاعر
ومرحباً بك وبجميل حرفك يا أنيق