مشكلتي مع خياط السكب الفاشل

[ابو سفر]

السلام عليكم ورحمة الله وبركاته
اول ما فتح عندنا خياط السكب بصامطة قلت أخيط عنده خصوصا اني زبون لخياط السكب بجيزان المهم جبت له قماش من جده غالي جاني هديه وأخذ مقاساتي وشددت عليه ان الطول 59 ونص وطول اليد يكون لحد البراجم وبعد اسبوع جيت اطلع الثوب طلع قصير شوي الطول خلاه 58 ونص والكم قصير من عند يدي بالمره. ورجعته له وتأسف مني وقالي طول الثوب مايتعدل بس اليد بحاول أطوله شوي وخرب صار واضح انه انفك وتعدل وقلت يلا مشيها يارجال.
ورجعت له بعد فتره وفصلت عنده ثوب وقلت ابغاه قصير فوق الكعب للصلاة في رمضان. المهم طلع الثوب نفس مقاس الاول ومن ثاني يوم أرجعه ونفس الحكايه تأسف وقال بسيطه بيتقصر بدون ما يخرب واليوم الصباح رحت اطلع الثوب وطلبت منه رقم صاحب المحل بدا يصرفني اليمني ويقول انه مسافر قلت ماهي مشكلة عطني رقمه بس قال لخويه اعطه رقم نجيب! قال الثاني ماهو عندي قلت كيف صاحب المحل ورقمه ماهو عندكم المهم الحيت عليه انه يعطيني قال ماني معطيك روح اشتكي ع الشرطة . انا عصبت وقمت اقول على كيفك انت تلعب بثياب الناس والله انك متعمد وبديت ارفع صوتي وارمي لفافتين من الأقمشة في المحل على الارض وبديت اشتبك معاه قام خويه فك بينا واتصل ع الشرطة ورجعت مره ثانيه بشتبك معاه فك بينا خويه واستغل الفرصة شافني غافل دفني بكل قوته على صدري حتى طحت على الارض وهرب داخل غرفه بالمحل وقفل الباب وقمت اسب فيهم عند خويه وتفلت وانتم بكرامه وطلعت من المحل وش رأيكم ارجعله وأخذ بحقي منه ولا اطنش بصراحه مقهوررررر عليه
تكفون لا تطنشون الموضوع ردوا علي وحطوا نفسكم بمكاني كيف بتتصرفون