كل عاشق مقتـرف ذنب وجنــا
حين حب بصدق وأعلنـهـا عَلَن
هي كذا الدنيــا وآخرهـا فنــا
عزتي لك يا القلوب اللي هون
الهــوى ذبَّـــاح ودروبــــه عَنَــا
وكـل عاشــق دايماً يدفع ثمن
والله إنْ قَدْلي وأنا ماعـدت أنـا
ضايــع مابـين همـي والحــزن
نـصـفـي الأول تـولَّــع وهـتـنــا
وعشت أردد للغـلا قـاف ولحـن
ماعـرفـت الحــزن يومٍ وإن دنـا
من عيونـي مسألـة وقـت وسلن
ونصفي التالي نسا بعضه هِنا
وأسـرفت فيــه الليـالـي والمحـن
وبعضــه البـاقي تـراوده المنـى
لين ما عينـي من أحوالــه بـكـن
يا بـــدر ليــــل المـولَّــع والسـنـا
يا شـعـاعٍ دنيـتـي لجـلـه زهـن
في غيـابـك ما عرف وقتــي هَنا
والليـالي ياهـوى بـالـي قِـسـن
فـــدوة عيــونــك عـذابـي والعنـا
وأنـت تكفـى لا ينسـيــك الزمـن
تـــدري إنك عشق ماعنَّــك غنـا
وتــدري إني معلــنٍ حبـك عَلَـن


فهد القاضي