صباحك روح ياروح البحر وحكاية المينا
صباح الموج .. والأشواق ويختٍ هام
صباح الجال واليامال وتصفيقة أيادينا
مع صــوت النـــوارس يتبـــع الأنــغـــام
ويصحى قلبك الناعس على رشة شواطينا
ويبدأ حبنا يكبر .. ويتـــنامى مع الأيآم
كذا مثل الطفل يحبي ويوم إنه يناغينا
يضحك ضحكةٍ بيــضا ويفــوح خزام
أحبك كثر مامالت على الأغصان أمانينا
وأحبك كثر ماغنى محمد لي ثلاث أيام
أحبك كــثر ماطــــاري الفــراق المــر يبـــكينا
وأحبك كثر مانرسم قلوب وفي وسطها سهام
أحبك حيل وأحبك هيل على ريحه تقهوينا
وأحبك كيف يتغلغل يهزهز دلة الأحلآم
أنا من غبت عني يالغضي ماعدت أناجينا
أنا من غبت عني صرت مكسورٍ ولا أنلام
ترى من غبت ياالمحبوب أنا وقلبي تعنينا
أصفد داخلي الفرقا وأقفل باب للأوهام
نجوم الليل تدوّر للوزن والقاف يهجينا
غيابك بل جنحان القصيد وبعدها ماقام
تعال وخل أفـــــــواه الهـــــوى دايـــم تغنينا
ترى كثر الغيآب يهد روح ويكسر الأقدام
تعال وخلي آلعذال تتعب في تمادينا
تعال وقل لهم هذي حياتي وغيرها أصنام
/
|
 |
رد مع اقتباس