هذه مجموعة من المسجات الجميلة للشاعر عبدالرحمن الرويس إلى محبوبته ..
أحبك أكثر من أكثر شي فالعالم
وأحسّـك أبعد من أبعد شي فالدنيا
مظلوم أنا فالهوى وأشوفك الظالم
ومع كل هذا أحبك قد هالدنيا
في غيبتك أدمنت شرب السجاير
والصدر من مدة مولـّع حريقة
والقلب مدري بعدك شلون صاير
يوقف ربع ساعة وينبض دقيقة
حسيّت قلبك يبي بعدي
وقلت أسعدك
ومشيت درب الفراق
ورحت ماأهتدي
وأجاهد الشوق لايوصلك
بس أفقدك
وأحيان قلبي يدق الرقم
وألوي يدي
قولوا لها لاتلبس النظارة
كلي فدا لعيون هالأموّرة
ماهيب لانورة ولاهي سارة
خذت حلا سارة وكشخة نورة
حبيبتي يأحلى بنات الحارة
بالله من فصـّـل لك التنـّورة ؟
تكفين تكفين
لو بكرة تزوجتي
مابيك توفين له
وأنا تخليني
نامي وأنا بشعل شموعي وبأسهر
بسهر أنا وأشعل شموعي ونامي
بعض البشر لاغاب ياناس يقهر
وأنتي غيابك صار كل اهتمامي
الصبـح هـو والليـل داكـن فـي داكـن
ماعدت أشـوف النـور كنّـه مخاويـك
ماهو غريـب إن حـرّك الشـوق ساكـن
بـس الغريـب إنـك تبـي بعـد غاليـك
وصحيح أحبـك وأعشقـك مـووت لكـن
ماهو حـلا كـل يـوم تزعـل وأراضيـك
عطرك , سريرك , كنب غرفتك , فستانك
هم كلهم أمنيتهم لو يضمونك
مالـومهم لو يحبونك مـع اخوانـك
من زود طيبتك أعـدائـك يحبونـك
كنت أفكـّر فالهوى يومي صغير
كنت أقول إنشاالله بكبر وأحب
وقبل مدة صرت أحس إني كبير
ومالقيت ألا أنت قلت أهديك قلب
ومن عشقتك صرت أنا ماني بخير
وأنجرح قلبي وماللحب طبّ
|
 |
رد مع اقتباس