أحلام
أمنيات
رغبات
ومأسي
وصدمات
أترجمها لكم عبر هذه القصيدة المتواضعة التي أتمنى أن تحوز على رضاكم
انا والله ما ابي الا رضاكم
بعد ما شفت
بعد ما شفت الضيا ينزع من ثياب المسا ثلثين ... تحايلت المنام اللي مثل بيتك تمرينه
وانا اللي من تفارقنا وأنا ماغمضت لي عين ... غريبة !! كل حلم يمر برقادي تزرونه
والاغرب كيف أحلم الحلم وارجع واحلمه بعدين ؟ ... قبل يومين شفتك بالمنام .. وقمت من حينه !
ونمت أمس ورجع نفس المنام اللي قبل يومين ... أنا اللي قبل اسافر شلت قلبي من شراينه
تركته في يدك الأمانه ، واحفظيها زين ... ترى حفظ الأمانه دين .. مجبورة تردينه
أجــل
أجل ، مافيه أحد قال لك حفظ الأمانة دين ؟! ... مرد المقفي بيلفي..ويستوفي ، وتوفينه
بعد ليله ، ثلاثه ، أربعه ، عشره ، شهر ، شهرين ... إذا انتي ، ماانتي بقد الكلام اللي تقولينه
حرام..استامنك حاجة ، وإذا جيت اطلبك تناسين ... تخونين ، وتبين أرضى.! وأحد يرضى تخونينه
أنا لاجيت أخونك ، مع حبيبه ثانيه ، ترضين .؟ ... من أول مارجعت من السفر ماشفت لك بينه ؟!
وأنا اللي كنت أحسبك قبل ادوس ارض المطار .. تجين ... تكونين أنتي أول شخص عيني تحتضن عينه
وكنت اتخيلك
وكنت أتخيلك من زود فرحة ترجعين .. تبكين ... وأشوف بدمعتك حكيك .. وأعرفه قبل تحكينه
واجيب أحلى من اللي بتحكينه ، وأتركك تحكين ... تقولين : الوطن نور .. وأقول بنور مضوينه
تقولي لي : غديت أحلى ، وأقول : عيونك الحلوين ... كلام نام بشفاهك .. وخفتي لا تصيحينه
ذخرتيه لغرام للي ينام ... ويترك تصحين ... تغانمتي غيابي .. لين رجحتي موازينه i
تعلم من يدك لمس الكفوف وعلمك تجفين ... وليتك لاقيه به شي .. فيني ما تلاقينه
ما هو بغرور
ماهو بغرور..لكن خابرك مالك أمل تلقين ... تغافلك بغلا..والإ الحلا مهو بمن زينه!!
تزينه الصور ..بس الصحيح ابن الحلال زوين ... وأنا ماني بنقاص عنه يوم أنك تبدينه
نصيبي..هو نصيبي لو يسددها من الصوبين ... قنوع بمظهري ، والسم مايذبح ثعابينه
على قول المثل ماني حلو..لكني ماني شين ... إذا أهداك الزهر مره ، فأنا اهديتك بساتينه
وإذا ألهاك بفرح ليله ، فانا تهت لبكاك سنين ... وإذا استضعفتك أملاكه ... وشتتك ملايينه
أنــا حتــى
أنا حتى فتات الخبزة أقسمها معك نصين ... طموحي ، بس أجي وأظفر بشي تستحقينه
تدينته ، تسلفته،سرقته ، مومهم منين ... كأني من كثر ماارضى بكل اللي تمنينه
لو انك تطلبين الله .. يعنيني، بقول آمين ... أنا ماالعب على الحبلين ، وقت الطيش وسنينه
تبين الحين يوم أني كبرت العب على الحبلين ؟ ... ترى عند البــدو بالذات عيب اللي تسوينه
حلاتك لاعشقتي..تعشقيني ليوم الدين ... غرامٍ نسكن ضلوعه .. حشيمه من مجانينه
جـــفـــا
جفا،يجمع معزتنا... ولاعشق يذل اثنين ... كثار اللي تحدوني وقالولي تحبينه
امانه ... لاتخليني صغير بعينهم تكفـين ... لاني كل ما قالوا(تخون)..اقول:مسكينه
عليك الله وأمانه .. علميهم منهو المسكين ... أنا خايف ليا طاح الجمل تكثر سكاكينه
وأنا ماعاد بضلوعي مكان لطعنة السكين ... مثل ماقالواالمكتوب واضح من عناوينه
لو ارحل منك للغربه بسافر من ظلامك وين؟ ... كفايه..كل حلم يمر برقادي تزورينه
كفـــايـــــه
كفاية .. من تفارقنا..وأنا ماغمضت لي عين ... قبل يومين شفتك بالمنام وقمت من حينه
ونمت أمس ، ورجع نفس المنام اللي قبل يومين ... أنا اللي قبل اسافر شلت قلبي من شرايينه
مع تحيات
اخوكم
" روح القلم "
|
 |
رد مع اقتباس