كالـ عـاده
اليـابانييــن واختــراعاتهــم
الجهاز الأول
هو عبارة عن طابعة بس مو أي طابعة ..!!!
الطابعة تطبع على الورود ..
على الواحد بس يدور محل ورود مشهور ويأخذله قطعة
ارض متر في متر جنبه ويحط الطابعة مع كمبيوتر ولوحة إعلانية
الناس تشتري من محل الورود يمرون عليك إن شاء الله يحبون سوالف الهنود
وش رايكم ..... هذا إذا ما صار صاحب محل الورود متعاقد معاك
هذا شكل الطابعة وقيمتها حوالي 1250 دولار والحبر 65 دولار
وهاذي الورود بعد الطباعة...
الجهاز الثاني
هو عبارة عن كاميرا ديجيتال لكن اللي عجبني فيها أنها مقاومة
للماء وتقدر تصور فيها لحد 3 أقدام تحت الماء بدون أدوات إضافية
مواصفاتها
جسم مقاوم للماء
تشغيل سريع
6 ميجابكسل
2 إنش شاشة كريستال
التصوير بـ 20 وضعية
وظائف صوتية و مسجل صوتي
وحدة تخزين SD وداخلية 10.5 ميجا
توصيل للتلفزيون
الجهاز الثالث
هذا الجهاز مهم للأولاد اللي يضيعوا الريموت كونترول للتلفزيون أو الرسيفر
وكل يوم يدورو عليه ساعتين أو يمكن ما يحصلوه طول اليوم .......
الجهاز عبارة عن قطعتين ....... الاولى تتلزق على الريموت أما الثانية
فهي عبارة عن صافرة صغيرة ويمكنك الاستغناء عنها والتصفير بفمك بدونها
كل ما ضاع عليك الريموت ما عليك إلا أنك تصفر (صوت صفير) و
رايح تسمع صوت رنين من الجهاز مثل البيجر وراح تعرف وين الريموت ..
ممكن تحطونه ورا ظهر اي شخص ينفع مثلا تضيع اخوك وإلا عندك واحد هبل لصّقها في ظهره وفلته في كمن حوش
الجهاز الرابع
للي ما يحبو ريحة الدخان سواء في البيت أو في العمل ..
والجهاز هذا يقوم بتنقية الجو بس ميزته أنه يشتغل على
منفذ USB يو إس بي
الجهاز الخامس
هذا الجهاز للطورئ للي ما عندهم بطارية احتياطية للجوال
الجهاز عبارة عن شاحن يدوي (هندل) تمسك الهندل بيدك وتقعد تلف فيه وهو يشحن
يعني جوالك ينشحن على قد شغلك
بس كيف العنيد واخذ حته صح...
الجهاز السادس
هذا الكاس .. كلنا نعرف كورة البلازما اللي تسوي خطوط كهربائية
مثل البرق داخلها اذا لمستها بدون ما تضرك طبعا..
هذا الكاس بنفس الفكرة يجي بقاعدة .. إذا شلته من فوق القاعدة
يصير كاس عادي بس انا مالي خص اذا ولعت ....
الاختراع السابع
طيب ما دامنا في شغل اليابانيين .. خلينا نشوف هدية من
الهدايا اليابانية ..عادة الواحد يشتري خضروات أو فواكه معلبة
أما انه يشتري زهور أو ورود معلبة .. شي غريب ..صح!
اختار النوع اللي يناسبك من النباتات
وبعدها افتح العلبة واسقيها شوي ماي 3 أيام مع توفير
ضوء الشمس وبعدها لاحظ التغير
لين الحين احنا اصحاب ومافي مشكله ..
لكن شوفوا الحركات هاذي .....
علبة فيها بذرة سحرية بعد ما تسقيها 3 ايام تطلع لك
ومكتوب عليها (I Love You) بشكل واضح مثل الصور أدناه
بصراحة قمة الجنون...
بس رومانسية..
واحنا عيونا مثل الكشافات ولا سوينا حاجة .....
وهم عيونهم ناهي نراها واخترعوا البلاوي...::sa03::
من الإيميل..
|
 |
رد مع اقتباس