هذا الحب والا بلاش ..

[حـــذيفــة]

ياجماعة .. قالي واحد بقصة .. ويحلف إنه صادق ..

وأنا والله ماعاد أدري .. لأنه الرجال يهب ملا امكريك أحيانا


لكنه يقول ..

إن واحد في مكة وإسمه الفلاني .. كذا وكذا .

متزوج من ثلاث مدرسات ..

ويقولك كلهم يحبونه .. ومتجننين عليه ..

وهو عسكري في الأمن العام ..

الرجال باين عليه .. سياسي يعرف يشتري القلوب ..

ثلاث ويحبونه لدرجة لا توصف ..

فقاموا اجتمعوا ستّات البيت .. وقالوا إنه لازم نشوف له حل مع الوظيفة هذي ..

قالوا : قدم تقاعدك .. واحنا المسؤولين عن كل حاجة ..

ندفع كل شيء .. والأقساط اللي عليك نسددها ..

الرجال إنبسط ..و قال : خلاص بكرة أرفع أوراق التقاعد ..

بعد أسبوع .. كل وحدة اشترت سيارة خاصة بها ..

يعني المجموع 3 سيارات + السيارة القديمة حقه .

والمفاتيح 100% عند الزوج .. لأن كلهم ماعندهم أولاد .. بس بنات .

بعد أسبوع شافوه متضايق .. قالوا له إيش فيك .. فيه شيء ناقصك ؟؟

قال لهم أيوة ..

قالوا له إيش .؟؟؟

قالهم اللي ماتقدروا عليه ..

قالوا له قول .. واحنا نوفره ..

قالهم .. تعبت أبغالي ولد .. وانتوا كل ماتحبل وحدة تجيب لي بنت .

قالوا له .. إلا هذي صعبة ومن عند الله .. ومابيدنا شيء

قالهم .. خلاص روحوا عني .. وما أبغى أشوف ولا وحدة ..

الرجال سياسي .. وحريــيــيـف ..

سحب عليهم أسبوع .. وسافر مصر ..

سألوه ليش رحت مصر ..

قال أبغى أتزوج الرابعة .. يمكن الله يرزقني بولد ..

قالوا له لييه اخترت مصر ..؟؟

قالهم .. ماعندي فلوس للسعوديات ..

قالوا له طيب وتجيبها هنا .. والا تخليها هناك ..؟؟

قالهم صعبة أجيبها هنا .. لكن أشتري بيت في مصر وأخليها فيه ..

وأبقى أزورها كل شهر .. ؟؟ وأعطيها أسبوعين .

.............

اجتمع المجلس المكون من الزوجات الثلاث

وقالوا احنا سوينا كل شيء عشان نأخذ وقته ..

لكنه سافر وتركنا .. وراح يقسم وقته .. شهر عندنا .. وشهر عند المصرية .

لو تركناه في الوظيفة .. كان أحسن .. لكن لازم نسوي أي شيء ..

فكروا وفكروا وفكروا ..


وحضروا له مفاجأة .. واتصلوا عليه .. قالوا له .. لا تتزوج .. تعال ولك اللي تبغا .

رجع الرجال .. ارتاح أول يوم ..

واليوم الثاني .. قالوا له خلاص احنا موافقين تتزوج .. بس خذ وحدة سعودية .. وجيبها معانا في نفس البيت ..

قالهم أنا قلت لكم ماعندي فلوس .. أدفع مهر لوحدة سعودية ..

أقل شيء مع القصر 100 ألف ..

قالوا له .. احنا نعطيك فلوس ..

واعطوه 150 ألف ريال سعودي .. ( ريال ينطح ريال )

كل وحدة 50 ألف .. وزوجوه على وحدة سعوديــية ..

والله ياجماعة .. هذا الكلام الزين .. ههههههه

من وين فيه نحصل حريم قنوعين .. ويحبون من قلب .. زي الثلاث هذولي ... عفواً ( صاروا أربع )

ههههههههههههههههه

ياجماعة القصة هذي .. علمني فيها واحد ..

يقول وحدة صدق .. وبجنبها الثانية .. كذبة ..



يلا مدري إيش رايكم في الحريم الـ 3

........

اللهم لا حسد .. ربي يسعده ..

ويرزقنا مثله