يا قاص الأثر
علمني وين هو رحل
أقفى وخلاني هنا
أقفى وخلاني أون
أقفى وخلاني أجن
يا قاص الأثر
علمني ويش اللي حصل
كيف هو عني رحل
كيف خلاني وسرى
في غفلة محدٍ درى
يا قاص الأثر
جنني وعلمني الجنون
جنيت في عشق الجنوب
رحل وخلاني أجوب
من شمال إلى الجنوب
يا قاص الأثر
عمري تبدد في يديه
أسقاني رشفه من يديه
علمني بأن الحب كيف
وخلاني في حبه ورحل
يا قاص الأثر
سافر وخلاني بسفر
أبكي وأتعبني السهر
أرقب قدومه وأنتظر
لا علم جاني ولا خبر
يا قاص الأثر
عطني دليل للوصال
قولي دربه وين صار
قص الأثر وش صار
يا لله تراني في انتظار