ارموا أوراق التفاوض في الزباله=أسود التاريخ ماينظف سجلَّه
عارنا طالت نهاريه ولياله=وانتم اكبر عار يجلس بالمظله
دمّنا صهيون تشرب من زلاله=ومابكم سيف على الهقوه نسله
لامتى نسكت على موت البساله=ولامتى نصبر على طعم المذله
من يغيث المسلم وينقذ عياله=والنسا من بينكم من ينتخن له ؟!
الجبن ولا الخيانة والعماله=والتخاذل صار باكثركم جبلّه
كيف يهنا طرفكم وارض الرساله=قاعها نار وسماها مستهله
الصبر فقلوبنا صعب احتماله=والصدر مايتسع من زود غله
مالنا غير الله وجلا جلاله=عالم بالحال من دقه لجله
نرفع له اكفوفنا ذل ونساله=ونسجد ونشكي إليه ونبتهله
عزوا تراب الوطن ماتوا رجاله=ومابقى فيهم ولاسيف نسلّه
وارموا أوراق التفاوض في الزباله=أسود التاريخ ماينظف سجلّه
"كبرياء"
أستاذ/ اجتياح
كم احترم فيك روح العروبة
والإحساس بمصيبة إخواننا
في غزة ..
أصبت في تحريض النفوس على التأثر بما رأت وسمعت
وشحذت هممنا ولكن !!!!!!!!!!!!!!!
تحياتي وتقديري ،،
|
 |
رد مع اقتباس