آوصآال الدجاج وعيدآن البطاطس الحآرة ... من مطبخي وبالصور ~
مسآآكمـ عاطر يآحلوآآت
شخباركمـ .. عساكمـ بخير يآرب
اليومـ جبت لكم وصفة من مطبخي
ممكن قد سويتوها قبل كذا
بس عن نفسي اول مرة اسويها
وكانت ابتكار ووليدة اللحظة
بوريكمـ بالصور بالاول منشان افتح شهيتكمـ
وبعدها ندخل بالمفيد
هالقطعة المأكولة ذقتها قبل اصور ونسيت اشيلها
المقادير والطريقة مع بعض
دجاجة كاملة من 800 الى 1000 جرام
قطعيها اوصال ... عن نفسي قطعتها 18 قطعة << سفاحة خخخ
اربع حبات بطاطس متوسطة مقشرة ومقطعة عيدان متوسطة
تشكيلة بهارات
(كركم - مسحوق الفلفل الاحمر الحار - بهارات مشكلة مطحونة - كاري - ملح )
واذا حبيتي تضيفي نكهة من عندك على مزاجك
بعد ماتغسلي الدجاجة وتشيلي جلدها وتقطعينها
خليها تنشف من المويا زين
حطيها بزبدية وحطي عليها البهارات وملعقة صغيرونة زيت
واذا حبيتي تستغني عن الزيت بمزاجك
قلبيهم مع بعض الي ان تتبل القطع كلها
جيبي صينية الفرن (انا استخدمت الصينية حقت الفرن الكهربائي نفسه)
ورصي القطع فوقها
تاخذين البطاطس العيدان المقطعة وتضيفين عليها شوية مسحوق فلفل حار
على شوية بهارات مع الملح طبعا وتقلبيهم مع بعض
وخذيهم ووزيعهم على الدجاج .. بس حاولي ماتغطين اوصال الدجاج بالبطاطس كلياً
ولعي الفرن من فوق وتحت اثناء ماتشتغلي على الدجاج والبطاطا
ودخلي الصينية وخلي الثنتين العيون كلها شغالة
وخليهم بالفرن من 30 - 45 دقيقة
وبعدها ولعي الشواية من فوق وخليهم يتحمرون
طلعيهم ورصيهم بصحن مع السلطة اللي تحبين
وقدميهم مع كاتشب
سويت انا جنبهم رز .. وزبادي بالخيار ..
يمممي يابنااات .. احلى مافيها انو طعمها سبايسي وحرآآقي<< اشتهيتها اللحين
وهالقطعة البطاطس المغمسة بالكاتشب لآول وحدة ترد
اشوفكمـ على خير
|
 |
رد مع اقتباس