اهب لكن من منشيد حق جدتي وعادها صغيره تلعب :D
وهذا النشيد ينقال للطفل عندما يكبروتنمو معه مداركه, ويحتاج الى المعارف والإجابة على تساؤلاته الكثيرة,
هنا تظهر الحكاية المغناة (الخريريفة) وهي تصغير دارج لكلمة خرافة, وهي تعني القصة الخرافية غير القابلة للتصديق ومنها:
خريريفة
مجيريفة
سبع قطيوات...
معلقات في التنور
والتنور يبغي حطب
والحطب في السمرة
والسمرة تبغي جدّوم
والجدوم عند الحداد
والحداد يبغي افلوس
والفلوس عند العروس
والعروس يابت ولد
والولد سموه سند
ركاب الخيل
ماينام الليل
في ايده سجين (سكين)
ذابح مسجين (مسكين)
وتيه نشيده ثانيه تشبه نشيدة هموسه حيرة:
حمامه نودي نودي .. سلمي على سعودي
سعودي ساير مكه .. بيب ثياب بو العكه
بحطه في صندوقي .. صندوقي ماله مفتاح
والمفتاح عند الحداد .. والحداد يبغي فلوس
والفلوس عند العروس .. والعروس تبغي عيال
والعيال يبغون حليب ... والحليب عند البقر
والبقر يبغون حشيش .. والحشيش فوق اليبل
واليبل يبغي مطر ... والمطر عند الله
وعند نزول المطر
طاحت عليه نفه .. قوموا اشترولي دفه
طاح المطر برعوده .. كسر حوي سعوده
طاح المطر بيد الله ... كسر حوي عبدالله
طاح المطر ع الخيمة ... كسر حوي افطيمه
طاح المطر من فوق .. كسر حوي بن طوق
:D ازيدكن
يا فاطمة بنت راشد .. يا شيخة البنات
انتي قصيره وبيضا ... والخشم مكعبات
يا قصة يانثرية ... تنثر على الحياة
يا عليا بنت ابوها ... والخطاب اخطبوها
سبعة ورا البيت .. والثامن عند ابوها
واحد يدق الزعفران ... والثاني يقول يا ليتني خادم ابوها
ولليلة النصف من شعبان نشيده :D
اعطونا حق الليلة
والا بنذبح عييلة (عجيلة)
جدام بيتكم وادي
والخير كله ينادي
جدام بيتكم طاسة
وعيونكم محتاسة
اعطونا الله يهديكم
وبيت مكة يوديكم
طبعا ما اذكر منها شي وذا الهرج كله دورتوله لمن حصلته :D
|
 |
رد مع اقتباس