المشاركة الأصلية كتبت بواسطة السموه
قلبها وطن هديه لك هنا
جننتني هالبنية وش تبي ..
قولوا لها بتحب والا مطولة //
مرات ابي قربي ومرات ماتبي ..
البنت هذي مشكلتها مشكلة //
ما فاد فيها اهتمامي وتعبي ..
افتحلها قلبي وترجع تقفله //
اركض لها ياخوي والاخت تحبي ..
حبها خلص وحبي بأوله //
قولوا لها عيدي حسابك واحسبي ..
الأمر عادي والمفارق ما اسهله //
والا ارجعي لقلبه وشبي واحطبي ..
قلبي بدوي والجروح مهيئ له ////*
يا ورد يا مهديني الورد .. شكرا على لطفك وذوقك
تسلم وتسلم هذي اليد .. إللي بروزتك حبك وشوقك
وإن كان لي في خافقك ود .. والحب يجري في عروقك
سلم عليه وبلغه رد .. بلغ تحياتي خفوقك
يا ورد يا نسرين يا فل .. داري على حسنك ولونك
لا تظهر بزينك على الكل .. يا ورد خايف يحسدونك
في خدك المظوي القمر هل .. والليل كله في عيونك
والناس تظهر لك ولا تمل .. وأخاف مني لا ياخذونك
يا ورد كل عيونهم حب .. وإنت الفرح يملي دروبك
كم قلب ميت فيك كم قلب .. وعيونهم يا ورد صوبك
توك صغير وطيب وعذب .. معذوبهم لا تحط دوبك
عيبك بنظرة عين تنحب .. وأخاف تسحرهم عيونك
